د ولسمشرۍ ماڼۍ ١٧ سلاکاران له دندو ګوښه شوي

خبریال وېب پاڼه/ د افغانستان ولسمشرۍ ماڼۍ تاییدوي چې د ولسمشرۍ ماڼۍ ١٧ سلاکاران له دندو ګوښه شوي.

ولسمشرۍ ماڼۍ کې یو شمېر سرچینې چې نه غواړي نوم یې په ډاګه شي خبریال وېب پاڼې ته ویلي، چې د ولسمشرۍ ماڼۍ یو شمېر سلاکاران له دندو لېرې شوي دي.

په لېرې شویو سلا کارانو کې سید حامد ګېلاني په نړیوالو چارو کې د ولسمشر سلاکار، قطب الدین هلال د سولې په چارو کې د ولسمشر سلا کار، امحد مشاهد په اداري اصلاحاتو او ملکي خدمتونو چارو کې د ولسمشر سلا کار، محمد ایوب رفیقي په ولسي چارو کې د ولسمشر سلاکار، شېر محمد جامي زاده د طبیعي منابعو په چارو کې د ولسمشر سلاکار او شاه محمد څرګند په تحقیقي او توسعي چارو کې ولسمشر سلاکار له دندو ګوښه شوي دي.

په همدې توګه سیروس علاف په سوداګریزو چارو کې د ولسمشر سلاکار، نجیب الله خواجه عمري لوړ زده کړو په چارو کې د ولسمشر سلاکار، خلیل الله زمری د مجرمینو او محبسینو په چارو کې د ولسمشر سلاکار، عبدالرحمن هوتکي په سیاسي او سیمه اییزو چارو کې د ولسمشر سلاکار، پیغمبر قل دوغن په ټولنیزو چارو کې د ولسمشر سلاکار، ګلالۍ اجکزۍ د ښځو په چارو کې د ولسمشر سلاکاره، عزیز الله اریافر د اداري اصلاحاتو په چارو کې د ولسمشر سلاکار، محمد عزیز بختیاري په ټولنیزو او فرهنګي چارو کې د ولسمشر سلاکار، لیلا احراري د دیموکراسۍ د پیاوړتیا په چارو کې د ولسمشر سلاکاره، همایون جریر په اجتماعي چارو کې د ولسمشر سلاکار او بسم الله روحاني په قومي او سیمه ایزو چارو کې د ولسمشر سلاکار د ولسمشرۍ ماڼۍ د هغو سلاکارانو له ډلې دي چې تازه له دندو لېرې شوي دي خو ولسمشاۍ ماڼۍ یې تر اوسه د ګوښه کېدو موخه نه ده په ډاګه کړې.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More