ننګرهار کې په فني توګه د کانونو کېندنه او پروسس چارې پیلیږي

خبریال وېب پاڼه/ د ننګرهار په هغو سیمو کې چې قانوني خنډ او ستونزې نه وي موجودې، د ننګرهار د والي ضیاءالحق امرخېل په لارښوونه د کانونو کیندنې او پروسس چااې پیلیږي.

د ننګرهار والي ضیاءالحق امرخېل نن (دوشنبه تلې ١٤مه) له پلازمېنې د کانونو وزارت له راغلي پلاوي سره لیدنه کې د ننګرهار د کانونو ریاست ته لارښوونه وکړه، چې د ځانګړي مېکانېزم او پلان له مخې په هغو سیمو کې چې قانوني خنډ او ستونزې په کې موجودې نه وي د کانونو کیندنه پیل کړي او د پروسس چارې هم ترسره کړي.

ښاغلی امرخېل وایي، د کانونو له کېندنې او پروسس یې اساسي موخه خلکو ته د کاري فرصت برابرول دي، څو خپلو کورنیو ته له دې لارې حلاله نفقه وګټي.

د کانونو د کیندنې په تړاو پرېکړه وشوه چې پلان یې باید ژر تر ژره جوړ او عملپ تطبیق شي، تخنیکي ډلې به د سیمو د ارزونې په موخه هم ژر څېړنې پیل کړي.

افغانستان کې د فني کارکوونکو د نه شتون او جګړې له کبله طالبان طالباناو نور وسله وال کانونه په غیر قانوني او غیر فني توګه استخراجوي.

د کانونو غیر قانوني کېندنې نه طالبان له ٢ میلیون ډېر ډالر لاسته راوړي هلمند، کونړ، بدخشان او یو شمېر نورو ولایتونو کې له کلونو کلونو راهیسې د غیر فني کسانو له لوري د کانونو کیندنه روانه ده چې ګټه یې مستقیماً پاکستان ته روانه ده او طالبان او نور وسله وال هم ترې دوه میلیونه ډېر ډالره ګټه لاسته راوړي.

د کانونو غیر فتني او غیر قانوني کېندنه د افغانستان په هغو سیمو کې زیاته ده چې د وسله والو طالبانو تر کنټرول لاندې دي او طالبان هم د دې له لارې په لاسته راغلې ګټه کې سهیم دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More