افغانستان کې د ښځو خلاف تاوتریخوالی زیات شوی

خبریال ویب پاڼه / راپورونه کاږي چې په سویل ختیځ زون کې د تېر کال په پرتله د میرمنو پر وړاندې د تاوتریخوالي قضیو کې لس سلنه زیاتوالی راغلی.

په دې زون کې د بشر حقونو سیمه ایز دفتر مسوولین وایي د دې زون دوه ولایتونو پکتیا او خوست کې د میرمنو پر وړاندې د تاوتریخوالي پېښې د تیر کال پرتله زیاتې شوې دي او دوی یې اندېښمن کړي .

پکتیا کې د ښخو چارو ریاست مسولین هم د ښځو پروړاندي تاوتریخوالي د زیاتولي خبره مني او زیاتوي  د کموالي لپاره یې باید همکارې ادارې ورسره په دې برخه کې  مرسته وکړي.

په سویل ختېځ زون کې د بشر حقونو د ګردېز سیمه ایز دفتر میرمنو څانګې مشره زرمینه شمس وايي چې د یاد زون په دو ولایتونو پکتیا او خوست کې د تېر کال په پرتله د میرمنو د تاوتریخوالي په قضیو کې لس سلنه زیاتوالی راغلي او په خبره یې تر دې دمه ورسره ۴۱۵ تنه  میرمنو سره د تاوتریخوالي قضیې ثبت شوې دي، چې دوی یې سخت اندېښمن کړي.

پېښي !

9 د قتل قضیې

239 قضیې  یې د کورني تاوتریخوالي له امله د ځان وژنې هڅه کول

22 قضیې د ټپي کېدو

او  86 قضیې  د وهلو او ټکولو او پاتې نور یې هم بېلا بېلې د تاوتریخوالي قضیې دي.

په ورته وخت کې د پکتیا ښځو چارو رییسه نسرین اوریاخېل هم مني خو وایي تر پخوا دې میرمنو سره د تاوتریخوالي قضیې پټې پاتې شوي خو عامه پوهاوی ددې لامل شوی چې اوس میرمنو سره د کېدونکي تاوتریخوالي پېښې له اړوند مسوولو ادارو سره شریکې کړي.

پکتیا کې ځينې میرمنې بیا وایي د تاوتریخوالي پېښې په لرې او پرتو سیمو کې تر سره کیږي چې مسوولې ادارې یې باید د مخنیوي لپاره زیاته هڅه وکړي.

د بشري  حقونو د دفتر د مسوولینو په خبره یادې قضیې یې د یادو دوو ولایتونو د محدودو سیمو څخه تر لاسه کړې او زیاتې هغه سیمې چې دي د وسله والو طالبانو تر کنترول لاندې دي شاید له میرمنو سره د تاوتریخوالي قضیو فیصدي تر دې څو چنده پکې لوړه وي

دا په داسي مهال ده د نړی په کچه په  افغانستان کې د ښځو پر وړاند ي تاوتریخوالی شمیر زیات دی.

څه موده مخکې د بشري حقونو خپلواک کمیسیون لخوا د د ښځو پروړاندي تاوتریخوالي عامه پوهاوي په پار  16  وځنی کمپاین پیل شو

د بشري حقونو کمیسیون شمیرې ښيي چې د 1398  کال په لومړیو اوه میاشتو کې د ښځو پړوړاندي  د تاوتریخوالي پیښې 2762 په بشري حقونو کمیسیون کې ثبت شوي چې د تیر کال پر تله 8.2   سلنه زیاتوالی ښيي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More