عبدالله به نورو ګاونډیو هېوادونو ته هم په رسمي سفر ولاړ شي

خبریال وېب پاڼه/ د افغانستان د ملي روغې جوړې شورا عالي رییس ډاکټر عبدالله عبدالله پاکستان او هند ته له سفر وروسته نورو ګاونډیو هېوادونو ته هم په سفر ځي.

د ملي روغې جوړې عالي شورا ویاند ویلي، چې ښاغلی عبدالله عبدالله به ایران، چین، تاجکستان او ازبکستان هېوادونو ته هم د یادو هېوادونو د حکومتونو په رسمي بلنه په سفر ولاړ شي.

ګاونډیو هېوادونو ته د عبدالله د سفر موخه د افغان سولې لپاره د سیمې هېوادونو د ملاتړ اخیستل او د سیمه اییزې همکارې پیاوړتیا ده.

تر دې وړاندې د ملي روغې جوړې عالي شورا رییس ډاکټر عبدالله عبدالله د پاکستان د لومړي وزیر عمران خان په رسمي بلنه اسلام اباد ته سفر کړی وو او د پاکستان، د لومړي وزیر عمران خان، د پاکستان له ولسمشر عارف علوي، د بهرنیو چارو له وزیر شاه محمود قریشي او یو شمېر نورو پاکستانیو لوړ پوړو چارواکو سره یې ولیدل او پر افغان سولې،دوه اړخیزو همکاریو، او د اړیکو پر پراختیا او پیاوړتیا یې خبرې وکړې.

په ورته مهال بیا د ملي روغې جوړې عالي شورا رییس ډاکټر عبدالله عبدالله پرون نوي ډهلي ته تللی او د هند له لوړ پوړو حکومتي چارواکو سره یې لیدلي، پر دوه اړخیزو همکاریو، د اړیکو پر پراختیا او افغان سوله یې بحثونه کړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More