جګړو د هلمند – کندهار لویه لار تړلې

خبریال وېب پاڼه/ هلمند ولایت کې د څلورو ورځو را هیسې سختې جګړې له امله د هلمند- کندهار لویه لار تړل شوې ده.

د بشر حقونو خپلواک کمېسیون د ملکي وګړو پر مخ د لویې لارو تړل کېدل جنګي جنایت بولي او د جګړې له دواړو خواوو د ملکي وګړو ژوند ته د پاملرنې غوښتنه کوي.

هلمند ولایت کې د سختو جګړو له کبله د ٦٠١ شهرا د وسله والو طالبانو له لوري له ماینونو ډکه شوې ده او اوس مهال د مسافرینو د تګ را تګ پر مخ تړل شوې ده.

د هلمند- کندهار لویه لارې تړل کېدو مسافرین له ګڼو ستونزو سره مخ کړي دي او له طالبانو غواړي چې لویه لار د خلکو او مسافرینو د تګ را تګ پر مخ خلاصه کړي.

د هلمند د والي ویاند عمر ځواک وایي، طالبانو د ٦٠١ شهرا او یو شمېر نورې لارې د طالبانو له لوري د ماینونو د اېښودلو له کبله ویجاړې شوي او د مسافرینو پر مخ تړل شوي دي.

ښاغلی ځواک وایي، د لارې د خلاصېدو په موخه عملیات پیل شوي او د خلاصېدو سره به لارې ا پلچکونه بیا ترمیم شي.

له څو ورځو را هیسې په هلمند ولایت کې د طالبانو او امنیتي ځواکونو جګړې زور اخیستی او ګڼ طالبان وژل شوي دي.

له طالب مشرانو د هلمند اوسېدونکي غواړي چې اوربند وکړي او جګړه ودروي، هلمند د نورو ولایتونو په پرتله روانې جګړې ډېر ځپلی او لا هم د جګړې په اور کې سوځي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More