جعفر هاند د افغان کيرکيټ افتخاري سفير وټاکل شو

خبريال ويبپاڼه / د افغانستان د کرکټ بورډ له خوا تکړه ژورنالیست او دکرکيټ د ډګر کارپوه او خبريال محمد جعفر هاند د افغان کریکټ د افتخاري سفیر په توګه وټاکل شو.

د کریکټ په برخه کې ، د ښاغلي هاند له خوا په دې وروستیو ورځو کې “د نړۍ او افغانستان درې پیړۍ ، د کریکټ تاریخ” تر سرلیک لاندې یو کتاب هم خپور شوی دی ، چې د افغان کریکټ تاریخ مخينې. یادونه ، لاسته راوړنې او د لوبغاړو شاليد روښانه کوي.

د افغانستان د کرکيټ بورډ عمومي مشر فرهان یوسفزي وویل: موږ د هغه خدمتونو او چوپړونو ته درناوی کوو.

ښاغلي یوسفزي زیاته کړه: ” جعفر هاند اکثرا د کریکټ په اړه غوره څیړنیز راپورونه لیکي ، د کریکټ ته ژور پوښښ ورکوي او په دې وروستیو کې یې د کرکيټ په اړه یو په زړه پوری او جامع کتاب هم لیکلی دی. د افغان کرکيټ بورډ په ​​استازیتوب ، زه غواړم هغه د افغانستان د کریکټ د افتخاري سفیر په توګه وټاکم ، ترڅو هغه نور هم وهڅول شي او د افغانستان کرکيټ لپاره ډیر څه وکړي.

د یادونې وړ ده چې ښاغلي یوسفزي د ښاغلي جعفر په لاس د نوي لیکل شوي کتاب ۲۰۰ ټوکه په خپل شخصي لګښت سره هم واخیستل شو.
چې د هغه په ​​وینا د مرکزي دفتر سربیره به اداري زونونو ته واستول شي.
ښاغلي یوسفزي زیاته کړه: “موږ تل د رسنیو اصول او مقرراتو ته درناوی کړی او معلوماتو ته لاسرسی ته مو تل احترام کړی دی. موږ تل د کرکټ په اړه ټول اړونده معلومات له خپلو درنو خبریالانو او څیړنیزو بنسټونو سره شریک کړي دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More