The news is by your side.

بیا ځلې اوربند ته د ولس هیله مندي !

له لسیزو را په دي خوا  زموږ په ګران هیواد افغانستان کې جنګ جګړي دوام لري ، چې له امله يي ولس ستره قرباني ورکړي او لا يي هم ورکوي ، دلته هره طبقه خلک سوله غواړي او سولې ته تږي دي .

که څه هم مخکې حکومتونو به د سولې لپاره يو څه هڅي کړي وي ، خو بدبختانه چې کومه لاسته راوړنه يي نه درلوده ، د ملي وحدت حکومت مشران چې له هڅو یی معلومیږي ، سولې ته ژمن خلک دي او د سولې په برخه کې له فعالیتونو يي څرګندیږي چې  سوله يي د خپلو کارونو په لومړیتوب کې قرار لري .

په دي برخه کې د ولسمشر محمد اشرف غني او د ملي امنیت د سلاکار محمد حنیف اتمر اغیزناکه هڅي خورا زیاتي هیله بخښوونکي دي .

تاسو به فکر کوي چې کومې هڅي ؟

زه غواړم دلته يي په ځينو باندې يو څو کرښی درته ولیکم .

۱: تر ټولو لومړي د سیمي او نړۍ په کچه د افغان سولې او ترهګرۍ سره د مبارزي په موخه جوړي شوي غونډي ، لکه د ریکا ، استمبول او کابل پروسې ناستې او داسي نور…

۲ : د افغان سولې په تړوا د دیني عالمانو ناستي ، اندونیزیا کې د اندونیزیا ، پاکستان او افغانستان د ديني عالمانو ناسته ، کابل کې د زرګونه دیني عالمانو راټولیدنه  او په جده کې د سیمي او نړۍ د اسلامي هیوادونو ناستي . يادونه : تاسو به وايي چې دغه ناستي خو دیني عالمانو د خپل شته مسولیت له مخې ترسره کړي ، منم چې يادې غونډي ديني عالمانو د خپل مسولیت له مخې د افغان جګړي په تړاو جوړي کړي ، خو د ديني عالمانو د یادو ناستو کې د ګډون لپاره حکومت زمینه سازي کړي او تر خپل مسولیت يي په يادو برخو کې هم د پام وړ اقدامات ترسره کړي دي .

۳ : د پاکستان سره د سولې او پیوستون د عمل پلان نهايي کیدل او بیا يي د تطبیق لپاره اقدامات ترسره کول ، تاسو ته بهتره معلومه ده چې زموږ د هيواد په څو کلنه جګړه کړي چې له ترهګرو ډلو سره يي موږ پر مخ بیايو ، تر ډيره ترهګر د پاکستان هیواد له لوري روزل کیږي ، حمایه کیږي او افغانستان ته د ورانکارو فعالیتونو لپاره رالیږدول کیږي ، پاکستان دغې چارې ته دومره په اسانې سره زړه نه دي ایښې بلکې د پاکستان د حاضرولو لپاره د ملي امنیت د سلاکار په مشرۍ د ملي وحدت حکومت مسولینو ډير کار کړي ، په پاکستان يي د بیلابیلو سیمه یزه او نړیواله هیوادونو فشارونه راوړي ترڅو يي دغه کار ته حاضر کړي .

۴ : په دي وروستیو کې د امریکا ، سعودي عربستان ، عربي اماراتو او افغانستان له لوري د يوه عمل پلان نهايي کیدل او بیا يي د تطبیق لپاره کار کول .

۵ : مهمه برخه ، اوربند ، تاسو پوهیږي چې په تېر اختر کې د ملي وحدت حکومت او يا په اصطلاح ولسمشر محمد اشرف غني د طالب اورپکو سره اوربند اعلان کړ ، که څه هم دا اوربند اول ۷ ورځي وو او وروسته يي موده يو څه نوره هم د ولسمشر له لوري وغځيده ، او د ولسمشر د دغه اقدام وروسته طالب مشرانو هم دري ورځنې اوربند اعلان کړي ، چې دغه دري ورځ اوربند د هیواد په کچه ټول افغان ولس ته هغه خوښي وروبخله چې کلونه يي په تمه ول ، د ولسونو په هغه خوښيو چې په یادو دریو ورځو کې وکړي ، که پرې يو کتاب ولیکلي شي بیا به هم کم وي . خو دا چې طالبانو بیرته له دوه نیمو ورځو له تېریدو وروسته یاد اوربند مات کړ ، نو حکومت هم د اوربند د نیټي له پوره کیدو سره سم له طالبانو سره اوربند مات کړ ، خو پوهیږي چې د اوربند د ماتیدو پر مهال هم ولسمشر په طالبانو غږ وکړ چې هر وخت وغواړي دوي به ورسره بیا اوربند وکړي ، د دي وراخوا  ولسمشر طالبانو ته دا هم وویل چې د سولې لپاره هر چیرته دوي وغواړي خبرو ته حاضر شي ، حکومت ورته حاضر دي ، دا يي هم وویل چې پرته له کوم قید او شرطه به حکومت له طالبانو سره سوله وکړي .

بیا ځلې اوربند لپاره د حکومت هڅي او د ولس هیله مندي

د معلوماتو له مخې افغان حکومت مسولین په خپله ژمنه ولاړ خلک دي او ویل کیږي چې په راتلوونکي لوي اختر کې بیا د طالبانو سره د اوربند لپاره تیاریاني نیولي دي ، دا  خبره خو واضحه وه چې ولسمشر د اوربند د ماتیدو پرمهال هم طالبانو ته ویلي وو چې هر وخت دوي وغواړي حکومت به ورسره سوله وکړي ، خو اوس ولس هیله مندي چې طالبان به هم د دیني عالمانو د دومره سترو غونډو او په افغانستان کې د جګړي په اړه له فتواګانو وروسته دي ته حاضر چې په راتلوونکي لوي اختر کې له حکومت سره اوربند وکړي او د سولې خبرې به پیل کړي ، خلک یا ولس له طالبانو غواړي چې د اځل دي موقتي اوربند نه بلکې دايمي سوله وکړي ، ترڅو افغان ولس د هغه بدبختیو خلاص شي ، کوم چې يي د جنګ جګړو له امله ورسره لاس او ګریوان دي .

نو سوله د هر افغان هیله او غوښتنه ده ، که طالبان رښتیا هم د دغې خاوري اوسیدونکي وي او د افغانانو په ډله کې ځان شمیر باید نور نو وسله په ځمکه کيږي او د حکومت سره ده سوله وکړي .

د يوه باامنه افغانستان په هیله

لیکوال : محمد اګل وصال