ساپی:د طالبانو د نظامي او ملکي مشرانو ترمنځ سخت اختلاف شتون لري

خبريال ويبپاڼه/ د سولي بنسټ مشر خليل الله ساپي په خپلو ورستيو څرګندونو کې ويلي چې طالب مشرانو ورسره په خپلو کړو ژمنو وفا ونه کړه.
د خليل الله ساپي په وينا چې د طالبانو د ملکي او نظامي چارواکو تر منڅ لوی کړکيچ شتون لري. هغه وايې چې د طالبانو په ډله کې نظامي کسان د ملکي مشرانو خبري نه مني.
د هغه په خبره ملکي مشران غواړي چې خبري وکړي واک ته د خبرو له لاري ورسيږي خو دی وايې چې نظامي مشران بيا غواړي د جګړي او زور له لاري واک ته ورسيږي.
د سولي د بنسټ د مشر په وينا چې دا به د طالبانو تر منځ لوی کړکيچ رامنځته کړي او په هغوی به د امريکا او نورې نړي کړی نسبي باور هم له منځه يوسې.

د سولې بنسټ مشر خليل ساپی زياتوي چې د سولې او بین الافغانی پخلاینې د وړاندیز کونکي په توګه ، به ما هر وخت په تلویزیونونو او میډیا مرکو کې د طالب مشرانو په غوښتنه ويل چې که ولسمشر غني ۵۰۰۰ طالب بندیان خوشې کړي ، د بین الافغاني پخلاینې پروسه به ژر پيل ، او داسې نور کارونه. لکه اوربند به ډیر ژر پلی او افغانان به د سولي او ټيکاو خاوندان شي.

د ساپي په وينا ما دا پخپله نه دي ویلي ، مګر په قطر کې د طالبانو مشرانو ، چې ډیری یې عالمان ، قرآني عالمان او د حدیثو عالمان وو هغوی به راته ويل موږ هم د دیني عالمانو په توګه ، دوی ته ارزښت ورکړ او په دوی مو خبرو باور لرو.

خو اوس دا دی ۵۰۰۰ بنديان خوشي شول د سولي او اروبند هيڅ څرک نه لګيږي حال دا چې جګړې لا څوچنده رور نيولی هر وخت په سلګونو افغانان د جګړې له لاسه شهيدان او ژوبل کيږي.

خليل ساپي وړاندي وايې چې بدبختانه ، د وروستي مرګونو جګړو په پیل سره ، دا موږ ته څرګنده شوه چې یا خو په قطر کې ناست طالب مشران د نظامي چارواکو له خوا د راتلونکو پلانونو څخه نه خبريږي او په تیاره کې ساتل کیږي ، یا طالبان په ټولیزه توګه د سولې اراده نه لري ، د قطر خبرې د وخت هسي صايع کيدل دي ، د جکړې اږديدو ته یوه پلمه ده طالبان غواړي په زور رژیم سره حکومت نسکور کړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More