غور کې موټر بم چاودنې ١٤١ تنو ته مرګ ژوبله اړولې

خبریال وېب پاڼه/ نن له غرمې وړاندې د غور ولایت مرکز فېروز کوه ښار د امنیه قومندانۍ مربوطاتو کې د ښځو چارو ریاست او شهیدانو او معلولینو چارو ریاست مخې ته له چاودېدونکو توکو ډک موټر چاودلی.

د دغه موټر بم چاودنې په پایله کې ١٤١ تنو ته مرګ ژوبله اوښتې.

سرچینو خبریال وېب پاڼې ته په موټر بم چاودنه کې د پوځيان په ګډون د ٢٠ تنو ملکي وګړو د شهادت خبر تأیید کړی او وایي چې چاودنه کې ١٢١ تنه ټپیان شوي دي.

په ورته مهال د هرات ولایت مقام خبر ورکوي چې له هرات ولایت نه یې مجرب ډاکټران او روغتیایي پرسونل غور ولایت ته د ټپیانو د درملنې لپاره لېږلی.

د هرات والي غور ولایت کې د نن ورځې د برید غندلو سره سم یاد ولایت ته د هرات ولایت مجرب ډاکټران او روغتیایي پرسونل د ټپیانو د درملنې او ډاکټرانو سره د مرستې لپاره غور ولایت ته لېږلي.

له هرات ولایت نه مجرب او جراح ډاکټران له روغتیایي پرسونل او روغتیایي تجهیزاتو او الاتو سره یو ځای د هوایي ځواکونو په همکارۍ غور ولایت ته ولاړل.

یاده روغتیایي ډله به د غور ولایت مرکز فېروز کوه ښار مرکزي روغتون کې د زیانمنو او ټپیانو درملنې لپاره ډېر ژر مرسته پیل کړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More