د اذربایجان پوځ د قره باغ اړوند ۱۳کلي نیولي

خبریال ویبپاڼه/ د اذربایجان جمهور رییس الهام علی اوف وایي، ځواکونه یې پر دې توانېدلي چې د قرباغ سیمې اړوند ۱۳کلي ونیسي.

هغه پر خپل ټوېټرپاڼه په ویډیویي پیغام کې زیاته کړې چې د اذربایجان پوځ د قرباغ په جنوب لودیځه برخه کې د څو کلیو واګې تر لاسه کړې دي.

دا په داسې حال کې ده چې پرون د دواړو هېوادونو د بهرنیو چارو وزیرانو تر منځ د اوربند هوکړه لاسلیک شوه، خو تر څو ساعتونو تېرېدو وروسته دواړو هېوادونو یو بل د اوربند په ماتېدو تورن کړل.

د اذربایجان جمهور رییس ویلي، اوربند د ارمنستاني ځواکونو لخوا مات شوی او د اذربایجان پر پوځونو یې توغندویي بریدونه کړي دي.

په ورته وخت کې ارمنستاني چارواکو هم ورته ادعا کړې ده.

د یادونې وړ ده چې د دواړو هېوادونو ترمنځ د سپټمبر پر ۲۷مه د نګورنو قرباغ په لانجمنې سیمې کې جګړه پیل شوه چې لاهم دوام لري.

د رسنیو د راپورونو له مخې، هلته په ترسره شوو نښتو کې ګڼو نظامیانو او ملکي وګړو ته د مرګ ژوبلې اوښتو ادعاوې شوي دي.

د تلې په ۲۳ مه نیټه د اذربایجان ولسمشر الهام علي ‌اف په خپل ټویټر اکاونټ کې یو پیغام په خپرولو سره وویل: چې د خوجاوند په سیمه کې ۳ نور کلي د ارمنستان له نیواک څخه ازاد شوي دي.

هغه وویل: د اذربایجان میړانې اردو لښکرو د خوجاوند په ولایت کې د خیرمانجیق ، آغ بولاق او آخوللو کلي آزاد کړل. د آذربایجان اردو دې ژوندۍ وي. ناګورنو – قره ‌باغ په اذربایجان پورې اړه لري.

ویل کیږي چې د اذربایجان جمهوریت اردو د ناګورنو – قره باغ په سیمه او یو شمیر ګاونډیو ولایتونو کې د خپل نیول شوي سیمې د ازادولو لپاره عملیات پیل کړي دي.

ارمنیا له ۱۹۸۸ کال څخه هڅه کوي چې د ناګورنو – قره‌ باغ سیمې خپلې کړي دوی په ۱۹۹۱ کال کې نظامي شخړې ته وده ورکړه.

 د خواجولي ډله ایزه وژنه ، چې د ۱۹۹۲ د فبرورۍ په ۲۶ مه کې وشوه، په اذربایجان کې د ارمنستان د اردو له خوا یو له تورو ورځو څخه وه. د دې بریدونو او تاوتریخوالي په تعقیب ، د اذربایجان جمهوریت د ناګورنو – قره باغ سیمه او ۷ ګاونډي ښارونه د ارمنستان د اردو لخوا څخه ونیول شول.

د ۱۹۹۴ می کې د ښکیلو اړخونو ترمنځ شخړې ته د پای ټکی کیښودل شو، مګر د منسک ډلې لخوا نړیوال منځګړیتوب ، چې د روسیې ، فرانسې او متحده ایالاتو په ګډه همکارۍ د شخړې سوله ییز حل لپاره پاتې راغلی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More