امرالله صالح:د قره باغ او پروان د موټرو پلورنځي محاصره کیږي

خبریال ویب پاڼه/ امرالله صالح وویل: چې د کابل او پروان ولایت قره باغ ولسوالۍ کې د موټرو پلورنځي کې ډیری موټرې هماغه دي، چې له کابل څخه غلا شوي او هلته د رنګ بدلون سره پلورل کیږي.

ښاغلي صالح په خپله فېسبوک پاڼه کې لیکلي چې یو ګډ کاري ځواک به ډیر ژر له کابل بهر د موټرو پلورنځي محاصره کړي او د غلا شويو موټرو راپورونو ماته راکړل شوي چې دلته د غلا شویو موټرونو رنګونه تبدلیږي او له هغې وروسته خرڅلاو ته وړاندې کیږي.

د ولسمشر لومړی مرستیال همدا ډول: د ویجاړې شویو ودانیو مالکینو ته وخت ورکول کیږي، چې ساحه له آشغالو څخه پاکه کړي؛ که نه نو د دوی اوسپنې او نور مواد وړل کیږي، د وړلو پېسې به یې د دغه مواد له لیلام څخه لاس ته راوړو. هغه کسان چې فکر کوي، چې دا فعالیتونه د څو ورځو له پاره وو؛ باید بیا فکر وکړي.

هغه دا هم وویل: چې د بې اسنادو موټرو تګ راتګ ۹۰ سلنه کم شوی؛ مګر دا کافي ندی.

د یادونې وړ ده، چې په کابل کې د جنایي او تروریستي جرمونو د زیاتوالي په تعقیب، ولسمشر غني د څو اونیو لپاره په کابل کې د امنیتي مسلو مسؤلیت په مستقیمه توګه امرالله صالح ته سپارلی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More