د مذاکرې ښکېل لوري دي د ملکیانو خوندیتوب ته پاملرنه وکړي

خبریال ویبپاڼه/ د نړۍ د بشري حقونو د څار سازمان په تاره څرګندونو کې د افغانستان د جګړې او مذاکرې له ښکېلو لورو غوښتي چې ښکېل لوري دي د ملکیانو خوندیتوب ته پاملرنه وکړي او نامشروع بریدونو  مخنیوی دي وکړي

د یاد  سازمان د اسیا د برخې مرستیالې پاتریشیا ګاسمن ویلي د دې لپاره چې خلک د سولې پر روانه پروسه باور وکړي، یوه باوري سیاسي جوړجاړي ته اړتیا ده ترڅود خلکو فکرونه سم سي

د پاتریشیا په خبره له یوه لوري د سولې خبرې نتایج ځنډیدلي او له بله پلوه نا امنۍ زیاتي سوې ځکه نو عام افغانان د درک وړ سخته اندېښنه لري

د دې په باور چې د تاوتریخوالي  له کبله ملیکانو ته کړاو رسیدلی او ستونزو کې ده کچیري په دې پروسه د خلکو پیدا کول غوښتل کیږی باید د نامشروع بریدونو مخنیوی لومړیتوب  ټاکل سي

وروستیو جګړو په افغانستان کې د عامو افغانانو هیلي د سولې راتللو ته مړاوي کړې او په هر ولایت کې دې جګړو تر ټولو ملکیان زیانمن کړي هغوی وایي چې بیړنیو مرستو ته اړتیا لري او د جګړې له ښکلو لورو غواړي چې په جګړه کې د ملکیانو ژوند ته پاملرنه وکړي

پر همدې مهال څو ورځې وړاندې د افغان سولې لپاره د امریکا ځانګړي استازي زلمي خلیلزاد هم خپګان ښودل او ویلي يې دي چې زیات مایوسه یم

هغه وویل د اورکم د ژمنو سره سره وینم چې تاوتریخوالی زیات سوی ځکه زه بیرته سیمې ته راغلی یم له دې څرګندونو وروسته زلمی خلیلزاد د طالبانو د سیاسي مرستیال ملابرادر سره هم کتلی وو، تراوسه بین لافغاني خبرې پیل سوې نه دي د دې خبرو د پیل لپاره یوې باوري سرچینې ویلي وو چې پنځه هېوادونه منځګړیتوب کوي او له هغه وروسته خبرې پیل کیږي خو تراوسه هیڅ هم ښکاره نتیجه نه ده ورکړې