ولایتي چارواکي: پر خلکو د مرستو لارې طالبانو تړلې

خبریال ویبپاڼه/ له هلمند او  کندهار ولایتونو وروسته د ارزګان په دهراود او کیزاب ولسوالیوکې هم د طالبانو او دولتي ځواکونو ترمنځ درنې جګړې وسوې چې پرمهال يې زرګونه کسان له خپلو کورونو بې ځایه سول

د ارزګان ولایتي چارواکي له دې خلکو سره د مرستو کولو کې  د خنډ خبره کوي د هغوی په وینا چې د دې ولسوالیو لارې طالبانو تړلې ځکه نو دوی له خلکو سره مرستې نسي کولای

دوی وایي چې د طالبانو له لوري د لارو تړل کیدلو له امله اوس دوی خلکو ته پر وخت مرستې نسي رسولی او خلک په زیاتو ستونزو کې دي

د ازرګان ولایتي ویاند احمدشاه ساحل ویلي دغو کورنیو ته مو مرسته چمتو کړې ده، خو له بده مرغه د مرکز او دغو ولسوالیو ترمنځ لارې د وسله‌والو طالبانو له‌خوا تړل سوې دي.

تراوسه طالبانو په دې هکله څه نه دي ویلي

په کیزاب او دهراود ولسوالیو کې خلک له جګړو څخه په تنګ راغلي او بیړنیو مرستو ته اړتیا لري راپورونه وايي چې  یوازي د ارزګان د دې دوه ولسوالیو څخه ۲۵۰۰ کورنۍ خپلو کورونو پرېښودلو ته اړې سوې د ارزګان ترڅنګ هلمند او کندهار کې هم ولسي خلک له جګړو څخه په تیښته کې دي

 د کډوالو او بې ځایه سویو لویه شمېره هلمند کې  ده چې تر دې مهال شاوخوا ۴۰ زره کسان خپلو کورونو پرېښودلو ته مجبوره سوي وروستیو جګړو د مرکز لښکرګاه ترڅنګ یو شمېر ولسوالۍ هم وځپلې

له کندهار ولایت څخه راپورونه وايي چې د دې ولایت ارغنداب ولسوالۍ کې هم سختې جګړې سوې او لاهم دا تاوتریخوالی روان د راپورونو پر اساس له دې جګړو څخه هم لسګونه کورنۍ د کندهار مرکز او خوندي ځایونو ته تللې

د ارزګان د کیزاب او دهراود ولسوالیو کې څخه هم زرګونه کورنۍ مهاجرې سوې د لته هم د کډوالي چاره رامنځ ته سوې او تر اوسه ۲۵۰۰ کورنۍ خپلو کورونو پرېښودلو ته اړې سوې

د بې ځایه کیدلو له ستونزې سره سره دغه خلک جګړو هم سخت ځپلې د کورنۍ غړي یې وژل سوي او یو شمېر يې ژوبل سوي دي هلمند کې داسې کسان هم تر سترګو سوي چې نژدې د کورنۍ ټول غړي يې دې درې اونیزې جګړې ترې اخیستي دي