پکتیکا کې د پیازو او کچالو ۴۱ ذخیرې او اته ممیزخونې جوړې شوې

خبریال وېبپاڼه/ د کرنې، اوبولګولو او مالدارۍ وزارت وايي، پکتیکا ولایت کې د پیازو او کچالو ۴۱ زېرمتونونه او اته ممیزخونې ګټې اخیستنې ته وسپارل شول.

یاد وزارت په یوې خپرې شوې خبرباڼه کې ویلي، دغه زېرمتونونه او ممیزخونې د کرنیزو محصولاتو مدیریت د طرحې په اډانه کې جوړ شوي دي.

خبرپاڼه لیکي، یاد زېرمتونونه او ممیزخونې د پکتیکا مرکز او درېوو ولسوالیو کې کروندګرو ته جوړ شوي چې پکې ۱۷ د کچالو او ۲۴ د پیازو صفر انرژۍ زېرمتونونه او اته ممیز خونې شاملې دي.

خبرپاڼه زیاتوي، چې د یادې پروژې ټول لګښت ۳۴ میلیونه او ۱۳۴ زره او ۶۰ افغانۍ ده، چې د دې لګښت ۸۰ سلنه د کرنې وزارت او ۲۰ سلنه نور یې برخمن شويو بزګران ورکړی دی.

خبرپاڼه وړاندې کاږي، ددې تر څنګ پر کروندګرو مېرمنو د مېوو او سبو ۲۸ لمریز وچوونکي دستګاوې هم د دې پروژې له لارې ویشل شوي دي، چې د دغو پروژو په ګټې اخېستنې سره به بزګران وکولای شي خپل حاصلات تر ډېره وخته خوندي کړي او له دې لارې ګڼو بې کارو خلکو ته د کار زمینه هم برابره شوې ده.

په همدې حال کې د پکتیکا چارواکو یادو زېربناوو په جوړولو خوښي ښودلې او ویلي یې دي، چې ددې ولایت خاوره، اوبه اوهوا د کرکېلي لپاره مناسب دی او کروندګرو دې له دې فرصت څخه پوره ګټه پورته کړي.

په ورته وخت کې له یادو پروژو څخه برخمن شويو بزګرانو د حکومت د دې اقدام ستاینه کړې او ویلي یې دي، چې له دې لارې به راټول کړي حاصلات په وخت بازار ته وړاندې او د خوسا کېدو او خرابېدو مخه به ورسره ونیول شي.

د کرنې، اوبو لګولو او مالدارۍ وزارت وايي، د کرنیزو محصولاتو مدیریت د طرحې په اډانه کې د پیازو او کچالو زرګونه زېرمتونونه، ممیزخونې او د انارو او مڼو دساتنې په موخه د سارک مدل صفر درجې سړې خونې جوړول او د مېوو او سبو وچوونکي ماشینونه وېشل شامل دي، چې په ۱۳۹۹کال کې پیل او لومړی پړاو یې ډېر ژر بشپړیږي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum