په دې خبرو مو د خپلې مېرمنې زړه لاسته راوړئ

لیکواله: مریم صدیقي

خبریال وېبپاڼه/ د یوې ښځې زړه لاسته راوړل به ګوندې سړیو ته هېڅ ستونزمن نه وي، خو د همدې زړه ساتل د ژوند په اوږدو کې دوی ته د یوه ښه ژوند کولو زېری ده.

زمونږ په ټولنه کې ډېر لږ سړي دي، چې هغوی د خپلو مېرمنو له حقوقو خبر، احساساتو او عواطفو ته یې درناوی کوي.او دا په ډاډه توګه ویلو شو، چې که تاسې خپلو مېرمنو ته د هغوی حقونه ورکړئ، تل یې خوشحاله وساتئ، نو ښځې به مو تل تاسو ته درناوی ولري، او تاسو سره اوږه په اوږه د نړۍ هره ستونزه به وزغمي.

مونږ په دې لیکنه کې ځينې هغه ټکي په ګوته کړي، چې سړي یې په پلې کولو سره کولی شي، خپلې اړیکه کې ښه والی راولي، او پرته له شکه چې د اړیکې ښه والی د ژوند ښه والي په مانا ده.

۱ـ د خپلې مېرمنې د خندا ستاینه کول:

د مېرمنو له ځانګړونو څخه یوه دا ده، چې هغوی غواړي د ژوند ملګری یې د دوی ستاینه وکړي.له خپلې مېرمنې په ډېره خوږه او وړه ژبه د دې غوښتنه وکړئ، چې یو ځل درته وخاندي.په دې کار سره به مو د خپلې مېرمنې د خنډا کرس ووینئ، چې د زړه له تله د تاسو دې خبرې ته یې خندلي.

۲ـ له مینې یې مننه وکړئ:

یوه ښځه که له سهاره تر بېګاه د کور هر څومره کارونه کړي وي، هر څومره زړه تنګوالی یې زغملی وي، خو کله چې تاسې ورسره اوسئ، غواړي چې ستایې ورسره خوږې خبرې وکړئ، او د خپل هر درد درمل ستاسو په خبرو کې لټوي.

یوه ښځه به له لوږې ونه مړي، که ستاسو مینه ورسره وي، خو که یوې ښځې ته د ژوند څومره سهولتونه وي، او ستاسو مینه او پام پرې نه وي، نو د هغه زړه به ښاد نشي.

۳ـ د خپلې مېرمنې د سینګار ستاینه وکړئ:

ډېری ښځې داسې انګیري، چې ګوندې که مونږ مو خپل خاوند مخ ته بې سینګاره اوسم نو هغه به مې خوښه نه کړي. نو سړي دې خپلې مېرمنې ته د دې ډاډ ورکړي، چې مېرمن یې تل ورته ښکلې ده.

ځیني سړیو باندې که هرڅومره یې خپله مېرمن ګرانه وي، خو بیا هم نه غواړي چې د زړه حال ورته ووایي، او یا هم ورسره د خوږې ژبې کولو ننګ ورځي، خو دا په یاد ولرئ، چې هره مېرمن دا غواړي، چې خاوند یې د هغه ستاینه وکړي، تل ورته خوږې خبرې وکړي، درناوی ورته ولري.

۴ـ د خپلې مېرمنې مهارتونه وستایئ:

دا چې مېرمنه مو تاسو ته ستاسو د خوښې خواړه چمتو کوي، او یا هم په کالي ګنډولو او نورو برخو کې ځانګړی استعداد لري، نو د دې کارونو ستاینه یې وکړئ، په دې سره د هغوی د کارونو ارزښت ورته په ډاکه کېږي.

۵ـ د ښځې د سر ويښتانو سره لوبې وکړئ:

د ښځې وېښته د هغې لپاره د ښکلا مهم عنصر ده. نو د خپلې مېرمنې د په ويښتانو لاس ووهئ. لکه یوه مېلمه ورسره چلند وکړي، ښځې له سړیو ډېره مینه غواړي.