The news is by your side.

د افغان غوره لیګ په ۷ مه سیالۍ کې تېره شپه پکتیا بلخ ته ماتې ورکړه

د ای اپ ايل سیالیو په لړکې تېره شپه د اکتوبر پر ۱۰ مه نېټه په شارجه کرېکټ لوبغالي کې د بلخ او پکتیا ترمنځ لوبه ترسره شوه چې پکتیا په ۳۷ منډو بلخ ته ماتې ورکړه.

د دغې لوبې پچه بلخ لوبډلې وګټله او د توپ اچونې پرېکړه یې وکړه ،پکتیا لوبډلې په لومړۍ توپ وهنه کې په ټاکلو شل اورونو کې د ۴ لوبغاړو په سوځېدو سره بلخ ته د ۲۰۵ منډو هدف وټاکه.

په توپ وهنه کې د پکتیا لپاره ډېرې منډې محمد شهزاد ۴۲ ، احسان جنت ۴۷ او ډیلپورټ ۷۰ ناسوځېدلې منډې جوړې کړې.

په توپ اچونه کې د بلخ لپاره میر ویس اشرف یو لوبغاړی او ګلبدین نایب دوه لوبغاړي له مخې پورته کړ.

په دوهمه پاڼۍ کې بلخ یاد د ۲۰۵ منډو هدف په ځواب کې ۱۶۷ منډې د ټولو لوبغاړو په سوځېدو سره په ۱۹ اورونو کې جوړې کړې.

په توپ وهنه کې د بلخ لپاره ډېرې منډې کرېس ګېل ۲۰ ، لوبډلمشر محمد نبي ۴۰ او راوی بوپاره ۲۳ منډې جوړې کړې.

په توپ اچونه کې د پکتیا لوبډلې لپاره اودنا ترټولو ډېر ۴ لوبغاړي او ضیا الرحمان ۳ لوبغاړي تر نورو ډېر وسوځول.

یاده سیالي پکتیا لوبډلې د ۳۷ منډو په توپیر وګټلله او د نمرو په جدول کې په لومړي مقام کې ځای لري چې په ۴ سیالیو کې ۳ سیالۍ ګټلي او ۶ نمرې لري.

د غوره لیګ په دوام کې به نن د اکتوبر پر ۱۱ مه نېټه به دوه سیالۍ ترسره شي چې د مازدیګر پر مهال به کابل ځوانان د کندهار پر وړاندې د سیالۍ ډګر ته ووځي. او په ماښامۍ سیالۍ کې به ننګرهار د بلخ پر وړاندې میدان ته ښکته شي.