نړۍ کې له کرونا رغېدلي کسان تر یو ملیون واوښتل

خبریال وېب پاڼه/د وروستیو معلوماتو له مخې په ټوله نړۍ کې له کرونا د جوړو شویو کسانو شمېر تر یو ملیون واوښت.

د روغتیایي بنسټونو د وروستیو معلوماتو له مخې په ټوله نړۍ کې په کرونا د اخته کسانو شمېر تر ۳ ملیونه او ۲ لکه او ۱۹ زرو اوښتی، له دغې وبا څه د بېرته رغېدلو کسانو مجموعي شمېر هم تر یو ملیونه او ۳ سوه کسانو پورې لوړ شوی دی.

امریکا کې بیا په کرونا د اخته کسانو شمېر تر څه د پاسه ۱ ملیون او ۶۴ زرو پورې رسېدلی چې د نړۍ تر بل هر هېواد لوړه شمېره ښیي. په دغه هېواد کې د کرونا له امله د وژل شویو کسانو شمېر هم تر بل هر هېواد زیات دی. په امریکا کې د مړو شویو کرونا ځپلو شمېر تر ۶۱ زرو پورته ښودل شوی دی.

اروپا مېشتی ایټالیا د کرونا وبا له امله د زیاتې مړینې په دویم کتار کې ځای لري چې تر ۲۷ زو زیات کسان یې د کرونا له امله مړه شوي، اسپانیا په دریم کتار کې چې شاوخوا ۲۴ زره کسان یې وژل شوي، په فرانسه کې د مړینې شمېر څه د پاسه ۲۳ زره، بریتانیا ۲۱ زره، بیجیم تر ۷ زره زیات، جرمني، ایران، برازیل او چین په ترتیب سره ورپسې هغه هېوادونه دي چې ډېرو کسانو یې د کرونا له امله خپل ژوند له لاسه ورکړی دی.

په آسیا کې له ایران او چین وروسته د منځني ختیځ یو شمېر هېوادونه د کرونا تر سخت برید لاندې راغلي دي او په ګاونډ کې تر تر چین او ایران وروسته پاکستان کې هم په چټکۍ سره کرونا وبا د خپرېدو په حال کې ده. تر اوسه پاکستان کې شاوخوا ۱۵ زره کسان په کرونا وبا اخته دي او تر ۳۰۰ زیات وګړي یې وژلۍ هم دي.

د افغانستان لپاره هم تېرې دری اونۍ د کرونا له امله سختې وې چې د کرونا ځپلو شمېر څه کم ۲۰۰۰ کسانو ته لوړ شو او د مړو شویو کسانو شمېر هم تر دې دمه ۶۱ ښودل شوی دی. په ټول هېواد کې له کرونا وبا څخه د رغېدلو کسانو شمېر هم ۲۲۸ کسان ښودل شوی دی.

په دې وروستیو کې افغانستان ته د مرستو لړۍ هم چټکه شوې ده او تمه ده په نیږدې راتلونکي کې د ایران په ګډون له یو شمېر نورو هېوادونو څخه د روغتیایي توکو او تجهیزاتو څو بکسې را ورسېږي. حکومت هم د دغې وبا پر وړاندې تمرکز زیات کړی دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum