لغمان کې د کرونا ویروس د لا خپرېدو وېره

خبریال وېب پاڼه/ که لغمان ولایت کې د کابل بانک ستونزه حل نه شي نو ډېری خلک به په کرونا اخته شي.

په دې کرونايي او قرنطیني چاپېریال کې دولتي کارکوونکي او د کابل بانک مراجعین د خپلو پیسو لپاره په دې لین کې له کرونا ولې داسې بې پروا ولاړ دي؟

کابل بانک او ولایتي اداره ولې دې ستونزې ته د حل لاره نه ګوري؟

دولتي کارکوونکي او د لغمان اوسیدونکي وایي، د دغه ستونزې حل لپاره باید څو موارده په پام کې ونیول شي.

۱: د هرې ادارې معاش دې د هغوی د معتمدینو له لارې خپله د افغانستان بانک لخوا اجرأ شي، که نه کیږي نو د لغمان دوه معتبرې ادارې یې ولې د معتمد له وجه څخه ترلاسه کوي؟

۲: کابل بانک دې د اې ټي ام ماشین نصب کړي تر څو مراجعین ۲۴ ساعته ډول هر وخت یې چې زړه وغواړي خپل معاش ترلاسه کړي.

۳: کابل بانک اداره دې خپل کاري وخت اضافه کړي او څو شفټه کار دې وکړي.

۴: خپل کاري ظرفیت ته په کتو سره د کابل بانک له خوا دې هرې ادارې ته خبر ورکړل شي چې ستاسو کارمندان په کومه ورځ او څو بجو کې د معاشونو لپاره راشي،

۵: که چېرته د یوې ادارې د کارمندانو معاش د کابل بانک له خوا هماغه ادارې لخوا معرفي شوي مسؤول شخص ته وسپارل شي او همدا شخص به یې بیا خپله اداره کې توزېع کړي.

۶: نظامي ادارې او د معارف ریاست چې تر نورو ادارو نسبتاً پراخ تشکیل لري، باید د کابل بانک نماینده همدې اداراتو ته لاړ شي او همالته دې په نوبت سره توزېع وکړي.

۷: دا وړاندیز په لغمان کې پلی کول ستونزمن دی خو د راتلونکي لپاره یوه ښه طرحه ده، دا چې د کرونا له امله نغدې پیسې هم د وایروس د انتقال سبب ګرځي، ډیجیټل پیسو باندی باید کار وشي، چې معاش د موبایل ځانګړی حساب ته جمع شي او کله چې شخص خریداري کوي، پلورنکي ته د موبایل له لارې پیسې انتقال کړي، لکه په اوس وخت کې د MTN مخابراتي شرکت د مومو سیستم.

لغمان کې نور بانکونه هم د ورته ستونزو سره مخ دي.

تراوسه اړوندو مسؤولینو او ولایتي چارواکو په دې اړه څه نه دي ویلي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More