fbpx

پمپیو: له ایران سره جګړه نه بلکې د واکدارانو د چلند بدلون غواړو

خبریال وېب پاڼه کابل – ۱۳ مۍ ۲۰۱۹ د ایران او امریکا تر منځ اړیکې تر ترینګلي بریده رسېدلي دي ، خو لا یې هم به خپلو منځو کې د خبرو اترو کومې هوکړې ته نه دي رسېدلي  .

د امریکا د بهرنیو چارو وزیر مایک پمپیو په تازه څرګندونو کې ویلي و چې امریکا له ایران سره جګړه نه غواړي بلکې د ایران د حکومت د واکدارانو دچلند بدلون غواړي .پمپیو ویلي ایران په منځني ختیځ کې د امریکا د ګټو لپاره لوی تهدید دی په دې توګه سپینه ماڼۍ له ایران سره د خبرو د فرصت ملاتړ کوي . دنوموړي په خبره امریکا د ایران له لوري د ګواښونو شاهده ده ، خو په خبر یې د ایران هر اقدام ته به هر ډول غبرګون وښيي.

د امریکا ولسمشر ټرمپ هم روانه اونۍ ایران ته د خبرو وړاندیز وکړ ، چې د نوموړي دغه وړاندیز د ایران له لوري رد شو.

تېره ورځ د ایران ولسمشر حسن روحاني په ایران کې پر کارپوهانو غږ و کړ چې سره متحد شي او امریکا د ګواښوونو په وړاندې سره یو ځای کار وکړي ، نوموړي د ایران او امریکاترمنځ د جګړې احتمال هم رد نه کړ او زیاته یې کړه چې باید د امریکا د هر اقدام په وړاندې ځواب ووايي

امریکا پر ایران د بندیزونو ترڅنګ له دې هېواد سره نږدې په فارس خلیج کې جنګي بېړۍ چې د الوتکو د لېږد ظرفیت هم لري ځای پر ځای کړې دي . د دې تر څنګ امریکا درې ورځې وړاندې په خپله نظامي اډه کې چې په قطر هېواد کې ده بي ۵۲ بم غوځوونکې الوتکې هم ځای پر ځای کړې ، له ټولو اقداماتو سره سره ټرمپ له ایران څخه وغوښتل چې خبرو ته ورسره کښیني ، خو د ایران سپاه پاسداران د امریکا دغه غوښتنه په کله رده کړه او ویې ویل چې د ایران پوځ په دې هېواد د هرې حملې د مخنیوي توان لري او امریکا ته به د دې جرأت ور نکړي ، چې پر ایران برید وکړي