fbpx

الېس وېلز له حنیف اتمر سره پر افغان سولې خبرې کړې

خبر یال وېب پاڼه کابل – ۱۵ مۍ ۲۰۱۹  د مرکزي او جنوبي اسیا لپاره د امریکا د بهرنیو چارو مرستیالې الېس وېلز د خپلو کتنو په لړۍ کې ولسمشرۍ ټاکنو ته د نوماند حنیف اتمر سره وکتل .

دغه کتنه چې تېره ورځ تر سره شوې ده ، دواړو لوریو په افغانستان کې د سولې د مذارکراتو پر روان بهیر او همدا رنګه په قطر کې د امریکا او طالبانو تر منځ د سولې پر مذاکراتو خبرې وشوې ، په دې لیدنه کې راتلونکې ولسمشریزو ټاکنو هم بحث شوی دی او د وېلز په خبره راتلونکې ټاکنې باید په خپل ټاکلي وخت ترسره شي .

په دې لیدنه کې حنیف اتمر هم په خپل وخت د ولسمشریزې ټاکنې پر ترسره کولو ټینګار وکړ، نوموړي زیاته کړه چې د ولسمشر د کاري دوره د جوزا میاشتې په لومړۍ نېټه پای ته رسیږي ، ولسمشر باید حکومت پرېږدي او یو مؤقت حکومت رامنځته شي ، د اتمر په خبره دوی هم جمهوري نظام ساتل غواړي او په دې برخه کې خپلې ټولې هلې ځلې په کار اچوي . اتمر د افغان سولې په برخه کې د سیاسیونو د طرحې په اړه هم له وېلز سره خبرې وکړې .

ولسمشریزو ټاکنو ته یو شمېر نوماندانو دوه ورځې وړاندې په یوه غونډه کې د جوزا میاشتې له لومړۍ نېټې څخه د ولسمشر کار غیر قانوني وباله او د یوې اعلامیې په خپرولو سره یې له نوموړي څخه وغوښتل چې د جوزا میاشتې له لومړۍ نېټې څخه وروسته حکومت یوې مؤقتې ادارې ته وسپاري ، خو د دغه نوماندانو دې غوښتنې ته د ولسمشر ویاند هارون چخانسوري غبرګون وښود او ویې ویل چې د قانون د تفسیر مرجعه یوازې ستره محکمه ده  او هر څوک قانون نه شي تفسیرولی ، د دغه په خبره د دې نوماندانو غوښتنه غیر قانوني ده .

الېس وېلز د یکشنبه په ورځ کابل ته راغله له ولسمشر او اجرایه رئیس سره تر لیدنې وروسته یې د ټاکنو د خپلواک کمیسیون له چارواکو سره ولیدل او له دوی څخه یې وغوښتل چې راتلونکې ولسمشریزې ټاکنې په خپل وخت او په شفافه ډول ترسره شي.

WP Twitter Auto Publish Powered By : XYZScripts.com