روسیه دې په افغانستان کې د شوروي اتحاد له ماتې پند واخلي

خبریال وېب پاڼه/ په بغلان ولایت کې مدني فعالان چې د پخواني شوروي اتحاد پر وړاندې د مجاهدینو د بریال د لمانځنې په پار را ټول شوي و، پر روسیې غږ وکړ چې افغانستان کې دې د شوروي اتحاد له ماتې پند واخلي.

د بغلان مدني فعالان وایي، روسیه دې د افغانستان په کورنیو چارو کې لاسوهنه نه کوي او د افغانستان د دوښمنو ډلو او ترهګرو ملاتړ دې پرېږدي.

دوی وایي، که روسیه د افغانستان په کورنیو چارو کې لاسوهنې او حکومت ضد ډلو ملاتړ ته دوام ورکړي، افغان حکومت به د سیاست میدان وبایلي.

د بغلان مدني فعال نوید شکورزاده وایي، که روسیه زموږ د هېواد په کورنیو چارو کې لاسوهنې ته لا دوام ورکړي، نو د پخواني شوروي اتحاد پر برخلیک به اخته شي او هم به د سیاست میدان وبایلي.

مدني فعال صفي الله اغا زاده افغانستان کې د جګړې دوام د روسیې او یو شمېر بهرنیو هېوادونو د لاسوهنې لامل بولي او پر وینا یې چې د سولې خبرې هم ځکه مثبتې پایلې نه ورکوي.

دوی د یو پرېکړه پر لوستلو پر روسیې غږ وکړ، چې د پخواني شوروي اتحاد پر لاس د وژل شویو افغانانو غرامت دې ورکړي، د حکومت ضد ډلو ملاتړ دې پرېږدي او افغانستان ته د خپلو سرتېرو د رالېږلو په اړه دې خوبونه نه ویني او نه دې هم غیر مسؤولانه څرګندونې کوي.

یاد مدني فعالان وایي، هېڅ افغان به په افغانستان کې د روسیې سرتېرو شتون وغواړي او نه به هم افغانستان ته د روسیې ځواکونو راتللو ته اجازه ورکړي.

دوی وایي، روسیه دې په افغانستان کې د پخواني شوروي اتحاد له ماتې او ټوټې ټوټې کېدلو پند واخلي او په پوره هڅو دې د افغان حکومت ضد ډلو فشارونه زیات کړي چې جګړه بس کړي او له افغان حکومت سرا سوله وکړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More