fbpx

ویسټ انډیز په نړیوال جام کې افغانستان هدف وګرځوه

خبریال ویب پاڼه انګلستان – ۱۸ مۍ ۲۰۱۹: په کریکټ کې زیات وخت د هند او پاکستان لوبډلو ترمنځ رقابت وي، خو اوس نوي رقابتي هم پیدا شوه.

د ویسټ انډیز کریکټ ملي لوبډلې مشر جیسن هولډر ویلي، دوی به د تیر کال د دوو ماتو غچ له افغانستان اخلي.

هولډر وویل” زه د افغانستان په وړاندې لوبې ته انتظار یم، ځکه چې دوی تیر کال د نړیوال جام غوراوي پړاو سیالیو کې مونږ ته ماتې راکړه.

” دوی هم قوي لوبډله ده، او په تیر کې یې حیرانوونکي لوبې کړې دي، همداشان تغیر یې موندلی، شاید په مخامخ سیالۍ کې مونږ ته هم ماتې راکړي، خو زه په
رښتیا هم غواړم چې دوی سره هغه لاره غوره کړم، چې په کوالیفای راونډ کې یې مونږ ته ماتې راکړې وه.

په حقیقت کې افغانستان رښتیا هم چې د ویسټ انډیز خلاف ښې لوبې کړې وې، چې لومړی د غواروي پړاو سپر سیکس یا شپږ غوره لوبډلو پړاو کې په درې ویکټو او بیا د همدې سیالیو پایلوبه کې یې په اوو ویکټ له ماتې سره مخ کړ.

په ټوله کې چې دوی سره مخ شوي، نتیجه یې د افغانستان په ګټه ۰-۳ تمامه شوې ده.

په ۲۰۱۹ کال نړیوال پنځوس اوریز جام کې، چې ټولې لوبډلې د ناک اوټ پړاو سیالیو وړاندې یو له بل سره مخ کیږي، افغانستان هم د جولای په څلورمه نیټه له ویسټ انډیز سره مخ کیږي.

جیسن هولډر د نړیوال په اړه چې څوک به یې ګټي وویل، ستونزمنه ده چې پدې اړه څه ووایي، ځکه چې نړیوال جام کې هر څه پيښیږي.

هغه وویل” ویسټ انډیز یوازې انګلیستان ته ماتې ورکړې چې[ سیریز ۲-۲ کې مساوي شوی وو] له همدې تاسو پدې اړه ډیر څه نشی ویلی، کوم چا چې ښه لوبه وکړه، ورځ به د هغه وي.

خو نوموړي د ویسټ انډیز لوبډلې د چانس په اړه بیشبیني وښوده، ویې ویل چې د نړیوال جام غواروي پړاو سیالیو څخه را پدیخوا ویسټ انډیز ښې لوبې کړي او نړیوال جام کې به ښې سیالۍ وکړي.

د یادولو وړ ده چې جیسن هولډر په ۲۰۱۴ کال کې هغه مهال د لوبډلې مشر وټاکل شو، چې ویسټ انډیزي لوبغاړو د خپل بورډ سره د تړونونو په سر لانجې وکړې، چې له کبله یې لوبغاړو د هندوستان سره د سیالیو سفر څخه ډډه وکړه.

پخپله هولډر وویل چې د لوبغاړو سره ښې اړیکې لري او د هغه همیشه هڅه دا وي چې لوبغاړي خوښ وساتي.

عزیزالله عزیزي