fbpx

ډیویلیرز: د کولپک تړون څخه ډوپلیسي ما راوګرځوه

خبریال ویب پاڼه سوت افریقا – ۱۹ مۍ ۲۰۱۹: اې بي ډيویلیرز وایي چې کله په ۲۰۱۰ کال کې د سويلي افريقې لوبډلې اوسني کپتان فاف ډوپلیسي د کولپک تړون پای ته ورسید، هغه غوښتل چې بیا ځلې یې نوی کړي، خو هغه اړ کړ چې داسې کار ونکړي.

د هندوستان يوه يوټیوب چينل بریکفاسټ سره په یوې مرکې کې هغه واضخه کړې چې څنګه يې د هغه د پلان مخنیوی وکړ.

” ډوپلیسی ته مو پداسې وخت چې د کولپیک تړون په فکر کې وو، وويل تاسو ملي لوبډله کې انتخاب ته نږدې ياست.

’’ داسې وخت وو چې ډو‎پلیسی د انګلیستان يوې کورنۍ لوبډلې سره د لوبيدو تړون ته نږدې شوی وو، ماته يې تلیفون وکړ، راته يي وويل چې پدې اړه څنګه کار وکړم؟، ما ورته وویل غوږ شه، زیات وخت ندی پاتې، دلته به ځینې تقاعدونه وي، ځینې کسان لوبې پريږدې، تاسو تر بل هر چا لوبډلې ته ډير نږدې کس ياست، ټول ټیم او روزونکي ستا په اړه خبرې کوي، لږ نور هم پاتې شه، زه پدې اړه ځان ته کريډیټ نه ورکوم، دا څو خبرې وې چې زه پکې بریالی شوم، او پدې اړه خوښ هم يم چې دې کار ته مې هغه راستون هم کړ.

ډیویلیرز او ډوپلیسي د ماشوماتوب د دورې سيالان دي، دوی به د ښوونځي د ابتدایي دورې پر مهال د بیلا بیلو ټیمونو لپاره لوبې ترسره کولې، خو کله چې لوی شول دواړه پريټوريا ته لاړل او هلته د افریکانز هور سینسکول ښوونځي کې شامل شول.

دواړه چې د کوچنیتوب دورې ملګري، همدغه شان همصنفیان هم وو، وروسته یې کریکټ کې داسې استعداد ترلاسه کړ چې دواړو د سویلي افریقه ملي لوبډلې ته لار ومونده.

ډيولیرز په لومړي ځل د ۲۱کلنۍ په عمر په ۲۰۰۴ کال کې د انګلیستان خلاف په ټیسټ لوبه کې راښکاره شو، خو ملګری ډوپلیسی یې بیا اوه کاله انتظار وکړ او له هغې وروسته نړیوال کریکټ کې راښکاره شو.

نوموړي کورنیو سیالۍ په بریالیتوب سره پای ته ورسولې،او د زياتو منډو جوړوونکو لوبغاړو لیست کې یې لومړی مقام خپل کړ، وروسته په ملي لوبډله کې ځای ورکړل شو او په لومړي ځل په ۲۰۱۱ ميلادي کال کې د هندوستان خلاف په لوبه کې راښکاره شو.

ډیویلیرز د ډوپلیسي په اړه وویل’’ هغه لږ ډیر انتظار وکړ، خو زما لپاره بيا په مناسب وخت کې دروازې خلاصې شوې، او په چټکۍ سره تردې ځای را ورسيدم، خو هغه لار چې ډوپلیسي پرې روان وو، فرق يې درلود، هغه په ښه سوچ سره د نړیوال کریکټ ته راتګ ذهني اړخ جوړیدلو لار غوره کړه، زما په فکر د ذهني اړخ جوړيدل وو چې هغه په ملي لوبډله کې راښکاره شو.

ډیویلیررز په ۲۰۱۸ کال د کريکټ څخه د تقاعدی اعلان کړه، چې په کور دننه او بهر د هغه ناڅاپي پریکړې چې هغه مهال نړیوال جام ته يوازې يو کال پاتې وو. د ټیم ملګري او مینه وال هک پک کړل.

ډيویلیرز وویل هغه غوښتل چې نړیوال جام کې ولوبيږي، خو د کورنۍ فشارونو او د نړیوالو لوبو څخه ستړیا هغه لاملونه وو چې کریکټ څخه د تقاعد پریکړه وکړي.

’’ زه په نړیوال جام کې د لوبیدو لیواله ووم، خو پدې مې پریښود چې د تیرو درې کالونه راهیسې زما د کریکټ کيرئیر ل په حساس حالت کې وو، کله به چې لوبیدم،يا به نه لوبیدم، په کور دننه به د نيوکو سره مخ کیدم، تقریبا ما پنځلس کاله کریکټ وکړ، او پدې موده کې له هر قسم حالتو سره مخ شوم، په ټیم کې دننه ستونزو، د لوبډلې مشري، مصروفې نړيوالې سیالۍ، کورنۍ فشار، داسې نور ډير څه وو چې زه اړ شوم چې د نړیوال جام وړاندې خپله پریکړه اعلان کړم، زما اراده دا وه چې نړیوال جام کې برخه واخلم، او له هغې وروسته پخپلې پریکړې فکر وکړم.

خو داسې څه وو چې زه نه غواړم اوس پرې خبرې وکړم، کله چې پنځوس کالنی ته ورسیدم، هغه مهال به بیا خبرې پرې وکړم.

’’ نه یوازې ستونزې، بلکې ما پدې اوږه موده کې ډیرې ښې حاطرې ترلاسه کړي، ښې شیبې مو له ټیم غړو سره تیرې کړې، خوبونه مو پکې په حقیقت بدل کړي، او دا به هر وخت ماته یادیږي.

عزیزالله عزیزي

Loading...