fbpx

په هرات کې سېلابونو لس تنه وژلي

خبریال ويب پاڼه – هرات ۲۳مۍ ۲۰۱۹ / د افغانستان په یو شمېر سیمو کې د سخت ورښت له کبله په یو شمېر ولایتونو کې سېلابونه راوتلي دي چې په هرات کې یې لس تنه وژلي دي .

د هرات ولایت چارواکي دغه پېښه تائیدوي او د عامې روغیتا ریاست چارواکي وايي ، چې د دغه سېلابونو له کبله چې د اوبه او ولسوالۍ په ده ګل او جینوا کلیو  کې راوتلي دي لس تنه وژلي دي ، د نوموړي په خبره ممکن دغه تلفات لوړشي .

د عامې روغتیا رئیس عبدالحکیم تمنا دا هم ویلي چې د سېلابونو بله کبله خلکو ته مالي زیانونه هم اوښتي دي .

په افغانستان کې د وړاندوینې ادارې لا هم د افغانستان په یو شمېر سیمو کې د سختو اروښتونو اټکل کړی دی .

د هرات ولایت د ښاروالۍ چارواکي وايي ، خلکو په هغه ځایونو کې د استوګنې ځایونه جوړ کړي دي ، چې نقشې خلاف او د سېلابونو د راوتلو په لارې کې دي ، د دوی په خبره لا له وړاندې یې دغه کورنیو ته د سېلابونو د راوتلو له کبله د شته خطر په اړه خبر ورکړی دی ، خو دوی پاملرنه نه ده ورته کړې .

هرات د افغانستان په ختیځ کې یو له هغو ولایتونو څخه دی چې سږ کال سختو سېلابونو ځپلی دی او د روان میلادي کال په اپرېل میاشت کې هم په دغه ولایت کې د سختو سېلابونو له کبله لسګونه تنو خپل ژوند له لاسه ورکړ او زرګونه نور یې بې کوره شول ، نه یوازې په هرات بلکې په هلمند، کندهار،غور او ګڼو نور  ولایتونه هم سږ کال سېلابونو سخت وځپل .

خو بزګر بیا سږ کال ورښتونو ته خوشبین دي او وايي چې سږ کال به د دوی کښت ښه حاصل ورکړي چې له کبله یې د دوی د تېر کال زیانونه هم جبران شي، د بزګرانو په خبره تېر کال دوی سخت وچکالۍ ځپلي دي چې له کبله یې نه یوازې دا چې کښتونه یې منځه ولاړل بلکې د دوی څارویو ته هم لوی زیان ورسېده .