۱۹ افغان زده کړیالانې؛ د لوړو زده کړو لپاره سکاټلنډ ته لاړې
د طالبانو له خوا د نجونو پر زده کړو بندیز دوام لري، خو بل لورته د طب ۱۹ ښځینه محصلینې سکاټلنډ ته واستول شوې چې په دې برخه کې خپلو زده کړو ته دوام ورکړي.
د STV News د راپور له مخې، دغه افغان محصلین له پاکستان څخه سکاټلنډ ته لېږدول شوي او الوتکه یې د اډنبرا په هوايي ډګر کې ښکته شوې ده.
د طالبانو تر واکمنۍ لاندې افغانستان په نړۍ کې یوازینی هېواد دی چې د ښځو لپاره یې د ثانوي او لوړو زده کړو بندیز لګولی دی.
