د کاناډا لومړي وزیر له ۹ کلني حکومت وروسته استعفا ورکړه
د کاناډا څخه تازه خبر دا دی چې د کاناډا لومړي وزیر جسټن ټروډو د دویم ځلي حکومت د مودې له ختمېدو مخکې له خپلې دندې څخه استعفا ورکړه.
نن د جنورۍ په ۶مه نېټه جسټن ټروډو له خپلې دندې څخه استعفا اعلان کړه.
له څه وخت راهیسې داسې اوازې وې، چې جسټن ټروډو به له حکومت څخه استعفا ورکوي، ځکه د هغه پر وړاندې د حکومت دننه او د هغه د ګوند له خوا هم پر نوموړي فشارونه زیات شوي و.
جسټن ټروډو ۹ کاله د کاناډا لومړی وزیر پاتې شو چې دوه ځل یې د لومړي وزیر څوکۍ وګټله، همدا راز نوموړی ۱۲ کال د لیبرال ګوند د مشر په توګه هم پاتې شو.
د کاناډا لومړی وزیر چې کله په لومړي ځل په ټاکنو کې بریا خپله کړه، نو هغه مهال یې ډېر شهرت هم پېدا کړی و، خو له دویم ځلې حکومت څخه وروسته یې ورځ تر بلې خلک مخالف کېده.
جسټن ټروډو یو له هغه کسانو څخه و، چې په حکومت کې یې په ګڼ شمېر کډوال کاناډا ته راوستل شول، نوموړي د افغانانو لپاره هم یو ځانګړی پروګرام شروع کړی و، چې په دې تېرو دریو کلونو کې یې په لوی شمېر افغانان کاناډا ته یوړل.
