یوسفزی: اسلامي هېوادونه دې په افغانستان کې د نجونو تعلیم لپاره غږ پورته کړي
په پاکستان کې د اسلامي همکاریو د غونډې په دویمه ورځ د ملالې یوسفزۍ پلار ضیا الدین یوسفزي ویلي دي، چې اسلامي هېوادونه دې په افغانستان کې د نجونو د تعلیم لپاره غږ پورته کړي.
په پاکستان کې د اسلامي همکاریو سازمان دوه ورځنۍ غونډه نن ختمېږي، دغه غونډه چې په پاکستان کې د سعودي عربستان په ملاتړ جوړه شوې ده، پکې په اسلامي هېوادونو کې د نجونو د تعلیم په اړه بحثونه کېږي، ښايي نن دوی اعلامیه هم خپره کړي.
دغه غوندې ته د طالبانو چارواکي هم بلل شوي و، خو طالبانو پکې ګډون نه دی کړی.
دغه غونډې ته ملاله یوسفزۍ هم د خپل پلار ضیا الدین یوسفزي سره یو ځای ورغلې ده.
