افغان مشرانو سیاسي هوکړې ته رسېدل یوه جدي اړتیا ده

خبریال وېب پاڼه/ افغانستان کې د اروپایي ټولنې استازی پيرمایدون وايي، اوسنیو ستونزو ته د رسېدنې لپاره د افغان مشرانو سیاسي هوکړې ته رسېدل یوه جدي اړتیا ده.

افغانستان کې د اروپايي ټولنې استازی وايي چې ولسمشر غني او عبدالله عبدالله یوې سیاسي هوکړې ته نږدې شوي دي.

پيرمایدون ټینګار کوي چې سیاسي هوکړې ته افغان رهبرانو رسېدل په اوسنیو ستونزو د حل له پاره جدي اړتیا ده.

مایدون د اروپايي ټولنې ملي ورځې په مناسبت په یوه پيغام کې ویلي دي چې اروپايي ټولنه افغانستان کې د سولې او ارامتیا له پاره یې ملاتړ کوي او له دې هېواد سره سیاسي اقتصادي مرستو ته دوام ورکوي.

د دې ټولنې ځینې نورو استازو هم په بېلا بېلو پيغامونو کې افغانستان کې د تاوتریخوالي کموالي غوښتونکي شوي دي او هیله یې څرګنده کړې ده چې د بین الافغاني خبرو پيلېدو سره افغانستان کې سوله ټینګښټ ومومي.

ارګ او سپېدار یوې هوکړې ته د رسېدو په درشل کې!

سپيدار ماڼۍ وايي، خبرې روانې دي او ترڅو راتلونکو ورځو پورې به وروستۍ شي.

جنرال دوستم ته ځینې نږدې څېرې چې د عبدالله عبدالله له ملاتړو څخه دي وايي چې دوی دوستم ته د مارشالۍ رتبې ورکولو له پاره سترګې په لار دي.

ارګ او سپېدار بیا دواړو لوریو ترمنځ د هوکړې وروستي کېدو ته د اشارې نه کولو سره وايي چې خبرې روانې دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More