د مصالحې عالي شورا بودجه ۷۰۰ میلیونه افغانۍ ده
خبریال وېب پاڼه/ د عبدالله عبدالله له لوري د مصالحې عالي شورا د تشکیلاتو کار!
د ارګ او سپېدار ماڼۍ ترمنځ د وزارتونو او ریاستونو وېش په سر خبرې لاهم پای ته نه دي رسېدلي
عبدالله عبدالله په کابینه کې د ۵۰ سلنې ونډې تر لاسه کېدو سره د مصالحې عالي شورا تشکیلاتو باندې کار پيل کړی.
عبدالله عبدالله ته نږدې سرچینې وايي چې په اوس مهال کې ارګ او د ثبات او همپالنې ډله د وزارتونو د وېش په سر باندې خبرې کوي چې عبدالله عبدالله یې باید ور وپېژني.
خو ځینې حقوق پوهان وايي چې د دې هوکړه لیک د اجرا له پاره هېڅ قانوني اجرا وړاندوینه شوې نه ده او دواړه لوري د اخلاقي اړخه اجرا ته اړ دي.
دغه هوکړه لیک چې اشرف غني او عبدالله عبدالله پرې لاسلیک کړی یوه بله ضمیمه هم لري.
دغه ضمیمه چې واک کې د ثبات او همپالنې ټیم د گډون جزییات په ډاگه کوي؛ تر اوسه د خلکو له سترگو لرې ساتل شوې، هغه گډون چې په کې ویل شوي د یو شمېر مهمو ادارو او کابینې پنځوس سلنه غړي د عبدالله له خوا ور وپېژندل شي.
د سرچینو په وینا، اوس مهال د عبدالله عبدالله استازي ولسمشرۍ ماڼۍ سره د هغو وزارتونو او ریاستونو په ډاگه کولو باندې بوخت دي چې مشرتابه به یې د ښاغلي عبدالله له خوا ور وپیژندل شي.
په ظاهره عبدالله عبدالله خپلو متحدینو ته د یو شمېر دولتي ادارو او د کابینې پنځوس سلنه څوکیو له ترلاسه کولو وروسته، لستوڼي بډ وهي څو د ملي مصالحې شورا رامنځته کړي.
ځیني حقوقي پوهان وایي چې اشرف غني سره د عبدالله عبدالله هوکړه لیک حقوقي اړخ نه لري او د پلي کېدو ضمانت یې هم یوازې اخلاقي او سیاسي دی.
عبدالله څخه چې د سولې بهیر مشري یې په غاړه اخیستی له همدا اوسه تمې لوړې دي، هغه بهیر چې د افغانستان راتلونکی به ورسره تړاو ولري.
له دې ټولو سره، وروستیو کالونو کې هغو بنسټونو لپاره چې د سولې تر نامه لاندې یې فعالیت کاوه ډېرې بودجې هم لگښت شوي دي، یو شمېر با خبره سرچیني وایي چې حکومت د ملي مصالحې عالي شورا لپاره، اووه سوه میلیونه افغانۍ بودجه په پام کې لري.
Comments are closed, but trackbacks and pingbacks are open.