د امریکا د کانګرس بې ماسک غړي به له مجلس ویستل کیږي

خبریال وېب پاڼه/ د امریکا استازو مجلس کې د دیموکرات ګوند مشرې د کانګرس پر ټولو غړو او د دفترونو پر کارکوونکو د ماسک اچول لازمي کړل.

نوموړې ګواښ وکړ که د کانګرس هر غړي ماسک وانه چولو له مجلس به یې وباسي.

په ورته مهال د تګزاس ایالت یو استازي چې بار بار یې د ماسک له اچولو سره مخالفت ښودلی وو او دا کار یې د پوښتنې وړل بللی و، پر کرونا ویروس یا کووېډ١٩ ناروغۍ اخته دی.

مېرمن نانسي پلوسي دا پرېکړه پرون چهارشنبه وروسته له هغې اعلان کړه، چې د تګزاس ایالت د جمهوریت غوښتونکي استازي لوٸس ګوهمرت د کرونا ټېسټ مثبت راووت.

ټاکل شوې وه چې ښاغلی ګوهمرت د امریکا له ولسمشر ډونالډ ټرمپ سره وګوري، چې په همدې موخه یې سپینې ماڼۍ د کرونا ټېسټ کړی وو.

نوموړي څو ځلې د ماسک استعمال بې ګټې بللي وو، وړاندې تر دې چې د کرونا ویروس ټېسټ یې مثبت معلوم شي، د ویلیام بار په استجوابیه ناسته کې ٥ ساعته بې ماسک ناست وو.

امریکا کې د کرونا ویروس د خپرېدو سره د امریکا ولسمشر ډونالډ ټرمپ هم د ماسک له اچولو سره مخالفت ښوولی وو، نوموړي ویلي وو چې امریکایانو ته د ماسک اچولو امر نه کوم، خو کله چې امریکا کې د کرونا له وبا زیات خلک مړه شول او وضعیت خراب شو ټرمپ هم ماسک وتړلو.

ټرمپ بیا ویل چې د ماسک له تړلو سره مخالف نه یم، خو د ګڼې ګوڼي او ناروغانو په ځایونو کې دې ماسک وتړل شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More