fbpx

زابل کې د تورو ښيښو لروونکو موټرونو پر ضد کمپاین پیل شو

زابل کې د تورو ښيښو لروونکو موټرونو پر ضد کمپاین پیل شو.

دزابل امنيه قومندان سمونوال محمد مصطفى مايار وايې په زابل ولایت کې دامنيت دښه والي دپاره د موټرونو د تورو ښیښو سپینولو کمپاين پيل کړى.

مایار خبریال ته وویل چي د کورنیو چارو د وزارت له امر سره سم  يې ددې ولایت په بیلا بیلو سیمو کې د تورو ښيښو لرونکو موټرو پر وړاندي عملیات پیل کړي او د ډیری شمېر موټرونو ښیښې يې سپینې کړې.

مایار له ښاریانو وغوښتل چې  قانون ته درناوی وکړي او له پولیسو سره پدې برخه کې هراړخیزه مرسته وکړي ترڅو دخلګو امنیت لانورهم خوندي سي.

بلخوا د کلات ښاریان هم د امنیتي مسوولینو په دې اقدام خوښي ښيي او وايي چې باید قانون په بشپړ ډول تطبیق سي  ځکه د هغوی په وینا دتورو ښیښو موټرونو څخه ډېر مهال ددولت وسله وال مخالفین ناوړه ګټه پورته کوي.

په زابل کې په داسي حال کې د تورو  ښيښو موټرو پر وړاندي مبارزه پيلوي چې د هیواد په نورو ولایتونو کې هم دا لړۍ روانه ده