fbpx

په پکتیکا کې لس افغان پولیس وژل شوي

وسله والو طالبانو د پکتیکاپه سروضې ولسوالۍ کې پر افغان پولیسو برید کړی، ۱۰ پوليس یې وژلي او يو يې له ځان سره ژوندی بيولی دی.

د سروضې ولسوالۍ امنيه قوماندان نورخان وايي چې دغه ډله ييز بريد د یکشنبې په شپه ( اګست۵) د دې ولسوالۍ د ”سرحد‟ په نوم سيمه کې د ملي پوليسو پر يوه امنيتي پوسته شوی دی.

په ورته وخت کې يوې بلې حکومتي سرچينې چې نه يې غوښتل هويت يې څرګند شي، رسنیو ته دا پېښه تاييد کړه او ويې ويل چې پوسته له سقوط څخه ژغورل شوې خو طالبانو ۱۰ ملي پوليس وژلي دي.

وسله والو طالبانو ادعا کړې ده چې پوسته کې ټول پوليس وژل شوي، وسلې او ځينې نور مهمات يې له ځان سره وړي دي.

دا په داسې حال کې چې همدا تېره شپه هم طالبانو د پکتيا کې د لجې منګل په ولسوالۍ کې پر افغان امنیتي‌ځواکونو بریدونه کړی‌ دي‌ اته افغان امنيتي سرتېري وژل شوي او دوه يې له ځان سره ژوندي بيولي دي.

.د پکتیکا ولایت امنیتي چارواکو هم یاد خبر تایید کړی دی

Your SEO optimized title page contents