غني ټول هېواد کې د جنرال رازق د شهادت دویم تلین لمانځلو امر کړی

خبریال وېب پاڼه/ ولسمشر اشرف غني ټاکل شوي کمېسیون ته د یوه حکم پر بنسټ دنده سپارلې چې په ټول هېواد کې د کندهار پخواني امنیه قومندان شهید جنرال عبدالراېق اڅکزي د شهادت دویم تلین لمانځلو تابیا ونیسي.

د ولسمشر د حکم پر بنسټ د دفاع وزارت د سرپرست وزیر اسدالله خالد په مشرۍ ټاکل شوي کمېسیون دنده لري چې په پرتمینو مراسمو سره د جنرال عبدالرازق تلین ولمانځي.

همدا راز سیمه اییزو ارګانونو ته دنده سپارل شوې چې په ټولو ولایتونو کې د جنرال عبدالرازق د شهادت تلین ولمانځي. د ټولو مراسمو لګښت به د ملي دفاع وزارت له لوري اداء کیږي.

د کندهار پخواني امنیه قومندان جنرال عبدالرازق دوه کاله وړاندې د کندهار ولایت مقام کې پر جنرال رازق او یو شمېر لوړ پوړي چارواکي د برید ګرو له لوري په ډزو سره په شهادت ورسېدل.

له هغې وروسته د جنرال عبدالرزازق پر ځای یې ورور تادین خان د کندهار امنیه قومندان وټاکل شو، چې تر دې دمه یې د شهید جنرال رازق په څېر د کندهار ولسونه له ماموریت خوښ دي.

شهید جنرال عبدالرازق په جنوبي حوزه کې هغه کس و، چې نېک نوم او ښه شهرت يې درلود. هغه يو پياوړى کس و چې په لويو قضيو او سياسي تعاملاتو کې يې هم مهم رول درلود.

باید وویل شي چې جنرال رازق په سویل او سویل لویدیځ زون کې د ډیری عملیاتو قوماندان پاتې کېده. د جګړو لومړۍ کرښو ته به له سرتېرو سره یوځای تلو. په دې توګه به د امنیتي او دفاعي ځواکونو مُرال ورسره خورا پیاوړی کېده.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More