fbpx

ارزګان کې جګړه او فراه ته د امریکایانو ورتلل

م.جلالزی

په کابل کې د بهرنیو ځواکونو پر ګزمه چاودنه کې د چک هیواد دری عسکر وژل شوي او دوه افغان نظامي پولیس زخمیان دي.

د دفاع وزارت نطاق محمد رادمنش دا خبر تاید کړی دی.

په همدې حال کې فراه ولایت ته امریکايي ځانګړي ځواکونه رسیدلي دي.

ویل کیږي دغه ځواکونه به د ترهګرو لاس ته د فراه له لویدلو د مخنیوي په برخ کې له افغان دولت سره مرسته کوي.

دا له ۲۰۱۳ کال وروسته لومړی ځل دی چې امریکايي ځواکونه فراه ته رسیږي.

فراه هغه ولایت دی چي په تیره فبرورۍ میاشت کې د طالبانو تر ډلیزو بریدونو لاندي راغی.

طالبان د ښار څنډو او حتی یو شمیر حوزو ته ننوتل خو بیرته په شا وتمبول شول.

په همدې حال کې د ګاونډي ارزګان په چنارتو کې په افغان پوځيانو بریدونه شوي.

ضد او نقیص راپورونه کاږي چې شاوخوا څلویښت افغان پوځيان په بریدونو کې شهیدان کړای شوي او د یو شمیر طالبانو د مړیني هم ویل شوي دي.