اوکراین د افغان امنیتي ځواکونو د ملاتړ ژمنه تکرار کړه

خبریال وېب پاڼه/ د افغانستان د ملي دفاع وزارت سرپرست اسدالله خالد د اوکراین هېواد له ټاکل شوي سفیر سره تعارفي لیدنه وکړه.

د ملي دفاع وزارت له لوري په خپره شوې اعلامیه کې ویل شوي، چې اسدالله خالد نن له غرمې وړاندې د اوکراین له نا استوګن سفیر سرواتوک سره په خپل دفتر کې ولیدل او د دواړو هېوادونو پر دوه اړخیزو همکاریو یې ټینګار وکړ او د افغان ملي دفاعي او امنیتي ځواکونو له بر لاسیو لاسته راوړنو او هڅو یې ستاینه وکړه.

په ورته مهال برېټانیا هم د افغان ځواکونو د ملاتړ لپاره د ٧٠ میلیون پونډ مرستې اعلان کړی.

د برېټانیا سفارت وایي، دوی د راتلونکي کال لپاره د افغان امنیتي ځواکونو د ملاتړ په موخه یاده ژمنه د بروکسل په غونډه کې کړې.

د برېټانیا سفارت غواړي له نغدي مرستو سره سره له افغان امنیتي ځواکونو سره تخنیکي او تخصصي مرستو ته هم دوام ور کړي او وایي موخه یې له دې مرستو د سولې اوثبات پر مسیر د افغانستان سوکه کول دي.

په ورته مهال کابل کې د برېټانیا سفارت په هلمند، غور او یو شمېر ولایتونو کې د طالبانو جګړې او بریدونه غندلي او د اوربند تمه ترې کوي.

د برېټانیا په ګډون زیات شمېر بهرنیو هېوادونو له طالبانو د جګړې او تاوتریخوالي د کموالي او اوربند غوښتنه کوي، خو طالبان پرې غوږ هم نه ګروي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More