fbpx

کیراله کینګز په (۷) ویکټو بنګال ټایګرز ته ماتې ورکړه

د لس اوریزه لیګ په دوام په (۲۲) مه مازدیګرۍ لوبه کې بنګال تایګرز او کیراله کینګز لوبډلې په شارجه لوبغالي کې د یو بل پر وړاندې د سیالۍ ډګر ته ووتلې په دې سیالۍ کې پچه  کیراله کینګز وګټله او د توپ اچونې پرېکړه یې وکړه بنګال ټایګرز په ټاکلو لس اورونو کې د( ۵) لوبغاړو په سوځېدو سره( ۱۲۳) منډې جوړې کړې.

د بنګال ټایګرز لپاره په توپ وهنه کې سونېل نارین (۵۲) او شېر فان ریچارفرډ( ۳۹) منډې ډېرې جوړې کړې.

د کیراله کینګز لوبډلې لپاره په توپ اچونه کې ویین پارنېل ( ۲)  لوبغاړي، سهیل تنویر (۱) او هویل( ۲)  دوه لوبغاړي له مخې پورته کړل.

کیراله کینګز د (۱۲۴) منډو په ځواب کې د ( ۳) لوبغاړو په سوځېدو سره په( ۸.۳) اورونو کې( ۱۲۶) منډې جوړې کړې او سیالي یې پر( ۷)  ویکټو وګټله.

د کیراله کینګز لپاره په توپ وهنه کې بریسټو تر ټولو ډېرې منډې (۸۴) په (۲۴) توپونو ترسره کړې نوموړي( ۸) شپږیزې او( ۶) څلوریزې ووهلې او د لیګ په یوه اننګز کې د ډېرو منډو جوړونکی شو.

د بنګال ټایګرز لپاره په توپ اچونه کې افغان لوبغاړي محمد نبي دوه لوبغاړي وسوځول همدارنګه سونېل نارین هم دوه لوبغاړي له مخې پورته کړل.

یاده سیالي کیراله کینګز په اوه ویکټو وګټله د لیګ پر (۲۳) مه لوبه کې همدا مهال راجپوت او نارترن ویئرز لوبډلې  د سیالۍ ډګر ته وتلي.