بل ځوان افغان لوبغاړی هم ایوریسټ لیګ کې واخیستل شو
خبریال ويبپاڼه / له شهزاد محمدي او کریم جنت وروسته ځوان الراونډرعظمت عمرزی هم په ایوریسټ کرکټ لیګ کې واخیستل شو او سږکال به د للیتپور لوبډلې په ګټه ولوبیږي.
تر نوموړي وړاندې د افغان لوبډلې ویکټ ساتونکي شهزاد محمدي او آلراونډر کریم جنت سره د چیټون ټایګرز لوبډلې له لوري تړونونه شوي دي.
ایوریسټ کرکټ لیګ د نیپال هیواد کې کیدونکی لیګ دی چې د افغان لوبغاړو ترڅنګ به د نړۍ د نورو هیوادونو څخه هم پکې نوموتي لوبغاړي برخه واخلي.
شاهد افریدی، کریس ګیل، کیون اوبراین او یو شمیر نور هغه نومونه دي چې تردې مهاله یې په ایوریسټ کرکټ لیګ د لوبیدو په اړه ویل شوي دي.
د یادولو ده چې د نیپال ایوریسټ کرکټ لیګ به د نږدې شل ورځې وروسته د سپټمبر په ۲۵ نیټه پیل شي او د اکتوبر تر ۹ به دوام وکړي.
