پاکستان کرکټ لوبډلې په شل اوریزو لوبو کې ستر ریکارډ جوړ کړ
خبریال وېبپاڼه / پاکستان کرکټ ملي لوبډله چي په شل اوریزه لوبو کې یو له بهترینو لوبډلو څخه ده، چي اوسمهال په خپل کوربه توب له ویسټ انډیز کرکټ ملي لوبډلې سره د شل اوریزو لوبو په سریز بوخته ده.
د ویسټ انډیز کرکټ ملي لوبډلې او د پاکستان کرکټ ملي لوبډلې ترمنځ د یادې لړۍ لومړی لوبه تیره ورځ په کراچی ښار کې ترسره شوه چي په یاده لوبه کې د پاکستان کرکټ ملي لوبډلي بریا ترلاسه کړه چي په یاده بریا سره د پاکستان کرکټ ملي لوبډله وتوانیده چې په یوه کال کې د زیاتې شل اوریزو لوبي په خپل بریا سرته ورسوي.
پاکستان کرکټ ملي لوبډلې په روان ٢٠٢١ کال کې ١٨ شل اوریزي لوبي په خپل نوم کړي او یاد ریکارډ يې په خپل نوم کړه.
خو د یادولو وړ ده چي له دې وړاندي یوګانډا په ۲۰۲۱ م کال کې ۱۶ شل اوریزي لوبي په خپل نوم کړه، هندوستان په ۲۰۱۶ م کال کې ۱۵ او سویلي افریقا په ۲۰۲۱ م کال کې د یوکال زیاتې ۱۵ شل اوریزه سیالۍ ګټلي وې.
همدارنګه د یادولو وړ ده چې د پاکستان کرکټ ملي لوبډله به د ویسټ انډیز کرکټ لوبډلې خلاف د شل اوریزو لوبو په لوبلړۍ کې نن دوهمه شل اوریزه لوبه ترسره کړي.
