د انګلستان کرکټ لوبډلې لپاره غټ خطر

خبریال وېبپاڼه / انګلستان کرکټ ملي لوبډلي د راتلونکي نړیوال جام لپاره خپل پیاوړی لوبغاړی د لاسه ورکړ.

د یو شمیر راپورونو له مخي د انګلستان کرکټ ملي لوبډلي پیاوړی الرونډر لوبغاړی بین سټوکس په راتلونکي نړیوال جام کې چي په متحده عربی اماراتو کې ترسره کیږي د انګلستان کرکټ ملي لوبډلي سره ونه لوبیږي.

بین سټوکس تیره میاشت ویلي وه چي نوموړي د ذهني نا ارامۍ له وجي د هر ډول کرکټ څخه تر نامالوم وخته پوري لاره جدا کوي، همدارنګه تمه وه چي بین سټوکس به د هندوستان غوره لیګ پاتي سیالیو کې برخه واخلي خو اوس داسي مالومیږي چي نوموړي به د هندوستان غوره لیګ سیالیو پاتي لوبو کې هم ونه لوبیږي.

بین سټوکس د انګلستان کرکټ ملي لوبډلي پیاوړي لوبغاړي دي چي د انګلستان کرکټ ملي لوبډلي لپاره يي غوره سیالي يي ترسره کړي.

همدارنګه د یادولو وړ ده چي د انګلستان کرکټ بورډ به د راتلونکي جمعې په ورځ د اکتوبر او نومبر میاشتو کې ترسره کیدونکي لوبلړیو ته خپله پنځلس کسیز نوملړ اعلان کړي.