سویلي افریقا په شل اوریزه لوبلړۍ کې سریلانکا وایټ واش وکړه
خبریال وېبپاڼه / د سویلي افریقا او سریلانکا لوبډلو ترمنځ د دریو شل اوریزو لوبلړۍ د سویلي افریقا لوبډلې د ۳-۰ پر وړاندې وګټله او سریلانکا لوبډله یې وایټ واش کړه.
دا لوبه چې د سریلانکا په کوربتوب په کولمبو کې ترسره شوه، د لوبې بچه سریلانکا وګټله او توپ وهنه یې غوره کړه، چې په ټاکلو شل اورونو کې یې د اتو ویکتو په زیان ۱۲۰ منډې وکړې.
د سریلانکا له لورې کوشال پریرا ۳۹ او چمیکا کارونارتني ۲۴ منډې وکړې. د سویلي افریقا لخوا کګیسو رباډا بجرن پارټین دوه-دوه، ادین مارکرام، کیشو مهراج او ویان مولدر یوه-یوه ویکټ ترلاسه کړه.
سویلي افریقا د ۱۲۱ منډو هدف په ډېرې آسانۍ پرته له کوم زیانه په ۱۴.۴ اورونو کې پوره کړ او سریلانکا ته ستره ماتې ورکړه او په لوبلړۍ کې یې وایټ واش کړه.
د سویلي افریقا لخوا ریزا هیډریکس ۵۶ او کوانټن ډیکاک ۵۹ ناسوځېدلې منډې جوړې کړې. ددې لوبې د غوره لوبغاړي جایزه کوانټن ډیکاک ته ورکړل شوه.
