وارنر په نړیوال کچه د خپلي خوښي لوبغاړي نوم واخیسته
خبریال وېبپاڼه / ډیویډ وارنر په نړیواله کچه د خپلې خوښې افغان لوبغاړي نوم واخیست.
د اسټرالیا کرکټ ملي لوبډلې تکړه پیلیز توپ وهونکي څخه د انسټګرام لایف له لارې پوښتنه شوې،چې په نړۍ کې د خوښې لیګ سپنر توپ اچونکي څوک دی؟
همدارنګه ډیویډ وارنر د یادي پوښتني په ځواب کې ویلي،چې په نړۍ کې د لیګ سپنرانو په برخه کې مو د خوښې لیګ سپنر توپ اچونکي راشدخان دی.
همدارنګه د نوموړي څخه د نورو زیاتو پوښتنو په ځواب کې د خوښې کرکټر اې بي ډیویلیرز یاد کړئ دی.
ډیویډ وارنر هغه لوبغاړی دی چې په ای پي ایل سیالیو کې د سنرایزرس حیدراباد لوبډلې مشري په غاړه لري او دواړه راشدخان او ډیویډ وارنر پکې یو ځای لوبه کوي.
نوموړي همداشان دا هم ویلي،چې په ای پي ایل سیالیو کې یې د خوښې شیبې حیدراباد لوبډلې ته د اتلوالۍ جام ګټل وو.
همدارنګه د یادونې وړ ده چې ډیويډ وارنر د اسټرالیا کرکټ ملي لوبډلې یو تجربه کاره لوبغاړی شمیرل کیږي.
د یادولو وړ ده چي راشدخان اوسمهال د انګلستان هیواد کې دی او د یاد هیواد کي سل بالیزه کرکټ کې په سیالیو بوخت دی.
