انګلستان کرکټ لوبډلي لپاره بد خبر
خبریال وېبپاڼه / انګلستان کرکټ ملي لوبډلي يو بل فاسټ بالر هم له لاسه ورکړي.
د انګلستان کرکټ ملي لوبډله چې اوس مهال پخپل کوربه توب د هندوستان کرکټ ملي لوبډلې سره د پنځه ټيسټ لوبو په سيريز بوخته ده، له ستونزو سره لاس او ګريوان ده، ځکه دوی خپل بل تېز بالر سټورټ براډ هم له لاسه ورکړ، نوموړی ټپي شوی او د هند په وړاندې د پاتې لوبو لپاره له لوبډلې څخه بهر شوی دی.
دا په داسې حال کې ده چې د انګلستان دوه پياوړي لوبغاړي تېز بالر جافرا ارچر د ټپونو له کبله او الراونډر بين سټوکس د ذهني ارامتیا لپاره له امله لا له وړاندې له لوبډلې څخه جلا شوي.
دا په داسې حال کې ده چې د انګلستان دوه پياوړي لوبغاړي تېز بالر جافرا ارچر د ټپونو له کبله او الراونډر بين سټوکس د ذهني ارامتیا لپاره له امله لا له وړاندې له لوبډلې څخه جلا شوي.
بلخوا ويل کيږي چې د انګلستان د بل پياوړي تېز بالر جيمز انډرسن هم روغتيايي حالت سم نه دی او احتمال شته چې د هند په وړاندې به په دوهمه ټيسټ لوبه کې د لوبډلې برخه نه شي.
د يادولو وړ ده چې د کوربه انګلستان کرکټ ملي لوبډلي او هند کرکټ ملي لوبډلي ترمنځ د پنځه ټيسټ لوبو د لړۍ لومړۍ لوبه په ټرن بریج لوبغالي کې د باران له کبله مساوي پای ته ورسېده او دوهمه لوبه يې نن پيلېږي.
