د افغانستان د توپ اچونی نوی ټاکل شوي روزنکي تازه څرکندونې
خبریال وېبپاڼه / د افغانستان د بالينګ د نوي ټاکل شوي روزونکي شان ټېټ تازه څرګندونې.
تېره ورځ د افغانستان کرکټ بورډ اعلان وکړ چې د استراليا پخوانی فاسټ بالر شان ټېټ يې د ملي لوبډلې د بالينګ روزونکی ټاکلی چې دنده به يې د پاکستان او افغانستان د لوبو څخه پيليږي.
ټېټ ويلي چې له څو مياشتو راهيسي يې د افغانستان د کرکټ بورډ سره د روزنې په اړه خبرې روانې وې، ځکه چې مشر روزونکي کلوزنر غوښتل تر څو د بالينګ برخې ته يو بېل کس ولري چې په دې برخه کې له لوبډلې سره کار وکړي.
“د افغانستان د سپېنرانو په اړه ډېرې خبرې کيږي خو زما کار به دا وي چې خلک د افغانستان د فاسټ بالرانو په اړه خبرې وکړي، په دې برخه کې لږ کار ته اړتيا ده او هيله ده چې زه په دې برخه کې کار وکړی شم”
ټېټ وايي چې د افغانستان په لوبډله کې د نوين الحق په شان بالران شته چې په کرابين ليګ او د انګلينډ ويټاليټي بلاسټ کې یې ښې لوبې کړي دي، کوم څه چې دا په ډاګه کوي چې افغان لوبډله په فاسټ بالينګ کې ښه راتلونکي لري.
ټېټ چې د نړۍ په کچه يو له خورا چټکو بالرانو څخه وو، د استراليا ملي لوبډلې لپاره درې واړه فارمټونو کې لوبيدلی او په ابوظبۍ لس اوریزه لوبو کې يې د بنګله ټايګرز او بيګ باش کې د ميلبورن رنګيډز لوبډلې سره د روزنې دنده ترسره کړې ده.
