د افغانستان او اسټرالیا ترمنځ د راتلونکو لوبو د لغوه کیدو امکان
خبریال وېبپاڼه / د استراليا کرکټ بورډ نن سهار يوه اعلاميه خپره کړې او پکې يې ويلي چې دوی به يوازينۍ ټيسټ لوبه کې د افغانستان کوربه توب ونه شي کړای.
اعلاميه کې راغلي چې د استراليا کرکټ بورډ ته د ښځو کرکټ خورا مهم دی او که په رسنیو کې وروستي خپاره شوي خبرونه چې افغانستان کې به ښځينه کرکټ نه کيږي، رښتيا وي نو دوی له ياد هيواد سره د لوبې له لغوه کولو پرته بله لار نه لري.
اعلاميه کې زياتوي “مونږ باور لرو چې کرکټ د ټولو لپاره دي نو که افغانستان کې د ښځو کرکټ نه کيږي، مونږ په ټيسټ لوبه کې د افغان لوبډلې کوربتوب ونه شو کړای”.
په ښځينه کرکټ د نوي حکومت د بنديزونو سره په کور دننه او بهر دا انديښنې ډېرې شوې چې ممکن د کرکټ نړيواله شورا له افغانستان څخه د بشپړ غړيتوب دريځ هم واخلي.
د افغان کرکټ بورډ سرپرست مشر اوس مهال خپله ټوله پاملرنه په کور دننه مسايلو او د لوبغاړو سره په تاويلی ما ويلی ته اړولې او فکر نه کيږي چې په نړيواله کچه د افغان لوبډلې د لوبو او دريځ ساتلو غم دې ورسره اوسي.
