د آی پي ایل د روانو سیالیو لپاره د خطر ځنډ
خبریال وېبپاڼه / راپورنه وايي چې د سن رایزرز حیدراباد لوبډلې فاسټ بالر نتراجن کرونا نیولی او ښايي له امله یې یو ځل بیا د ۲۰۲۱م کال آی پي ایل سیالۍ له نامعلوم برخليک سره مخ شي.
سره له دې په کرونا د نتراجن د اخته کیدو پخلی شوی خو تر دې مهال د نن شپې لوبې د کیدو یا نه کیدو په اړه پریکړه نه ده شوې او د لوبغاړو د دویم ځلي معایناتو د پایلو تر معلومیدو وروسته به څرګنده شي چې د ډیلي او حیدراباد ترمنځ لوبه پخپل وخت کیږي او که نه؟
د ۲۰۲۱م کال آی پی ایل څو میاشتې وړاندې هغه مهال وځنډول شو چې په هند کې د کرونا پیښې زیاتې شوې او یو شمیر لوبغاړي او د آی پي ایل نور ښکیل کسان په یاده ناروغۍ اخته شول.
له څو میاشتیني ځنډ وروسته یادې سیالۍ د تیرې یکشنبې په ورځ په متحده عربي اماراتو کې پیل شوې او د مهال ویش له مخې به نن شپږ بجې او دیرش دقیقې د حیدرآباد او ډيلي ترمنځ لوبه پیل شي.
باور دا دی چې که چیرې په آی پي ایل کې د کرونا پیښې موجود هم وي شاید دا ځل د هند کرکټ بورډ ونه غواړي چې یاد لیګ وځنډوي، ځکه په مالي لحاظ به ستر زیان وګوري.
