رسل د بيګ باش ليګ تر ټولو اوږده شپږیزه ووهله.
خبریال وېبپاڼه / د استرالیا ستر لیګ بیګ باش سیاليو په روانو لوبو کې د ویسټ انډیز بی رحمه توپ وهونکي انډری رسل د یاد لیګ تر ټولو ستره شپږیزه ترلاسه کړه.
رسل یاده ستره شپږیزه د مېلبورن سټارز او سیډني تندر ترمنځ لوبه کې ووهله چي یاده شپږیزه ١٠٢ متره وه.
رسل یو ځل بیا هم د تیر په څیر د خپلي لوبډلې لپاره غوره توپ وهنه ترسره کړه نوموړي ٤٢ منډې ترلاسه کړي چي پکې پنځه شپږیزي او یوه څلوریزه هم شامله وه.
رسل توپ اچونه کي بيا د خپلي لوبډلي لپاره ښه ثابت نشو، له نوموړي څخه څلور اورونو کي اته دېرش منډي واخيستل شوې.
خو نوموړي میلبورن سټارز ته د سيډني په وړاندي لوبه هم ور وګټله او د لوبي د غوره لوبغاړي جايزه يې هم ترلاسه کړه.
