ایرلینډ کرکټ لوبډلې د سویلي افریقا پر وړاندي د سیالیو لپاره لوبډله اعلان کړه
خبریال وېبپاڼه / ایرلینډ کرکټ ملي لوبډلې د سویلي افریقا کرکټ ملې لوبډلي پر وړاندې یوورځینیو او شل اوریزو سیالیو لپاره لوبډله اعلان کړه.
ایرلینډ کرکټ ملي لوبډله په خپل کوربتوب له سویلي افریقا کرکټ ملي لوبډلې سره درې یوورځینۍ او درې شل اوریزې سیالۍ تر سره کوي، چې د همدغو سیالیو لپاره ایرلینډ خپله ۱۵ کسیزه لوبډله اعلان کړه.
یادو شل اوریزو او یوورځینیو سیالیو لپاره ایرلینډ خپله پنځلس کسیزه لوبډله اعلان کړه.
په یوورځینۍ لوبډله کې د لوبډلمشر بلبرني تر څنګ کریک یانګ، جوش لیټل، مارک، کمپیر، ډکریل، ګرام، مکبراین، مکارټي، مکرتر، ویلیم پورټرفیلډ، پال سټرلینګ، ټاکور او سمي سینګ شامل لوبغاړي دي.
په شل اوریزه لوبډله کې بیا هم کپتان انډریو بلبرني دی، د نوموړي تر څنګ بین وایټ، کریک یانګ، پال سټرلینګ، نېل روک، سیمي سینګ، ټکټر، ټاکر، مارک اېډر، ډکرل، لېټلې،مکارټي، مکنیټک، کیون اوبرین او شن ګټکي شامل دي.
ایرلینډ کرکټ ملي لوبډله به د سویلي افریقا کرکټ ملي لوبډلي پر وړاندې لومړی د یوورځینیو سیالیو سیریز د همدې جولای میاشتې په ۱۱مه نېټه پیل کړي، چې لومړۍ سیالۍ يې په یوولسمه نیټه ، دوهمه يې په ۱۳مه نیټه او وروستۍ هغه يې بیا په ۱۶مه نېټه تر سره کیږي.
له یوورځینیو سیالیو وروسته به د دواړو لوبډلو تر منځ درې شل اوریزې سیالۍ هم پیل شي، چې لومړۍ سیالۍ به يې په ۱۹مه دوهمه يې په ۲۲ او وروستۍ شل اوریزه سیالۍ يې بیا په ۲۴مه نېټه تر سره کیږي.
