کريکبال وېب پاڼه- د سويلي افريقا چټک او پياوړې توپ وهوونکې فاف ډوپليسيز د هندوستان غوره ليګ يا اې پې ايل په پريښودو او د ۲۰۲۱ ز کال د ۱۴ م پړاو هندوستان غوره ليګ يا اې پې ايل په بنديدو او ځنډول کيدو ژوره خواشينې ښودلي ده.
د سويلي افريقا چټک او پياوړی توپ وهوونکی فاف ډوپليسيز چې د څو کلونو راهيسې د هندوستان غوره ليګ يا اې پې ايل کې د چينای سوپر کينګز لوبډلي سره لوبيږي د هندوستان غوره ليګ يا اې پې ايل يو له غوره او چټکو لوبغاړو څخه دی.
د سويلي افريقا لوبغاړې فاف ډوپليسيز په خپله ټويټر پاڼه د يو ټويټ په کولو سره د هندوستان غوره ليګ يا اې پې ايل د ۲۰۲۱ ز کال د ۱۴ م پړاو سياليو او همدارنګه په هندوستان کې د کرونا وبا د دريېمې څپې خونړې ناورېن په اړه هم خپله ژوره خواشينې څرګنده کړي ده.
د سويلي افريقا لوبغاړې فاف ډوپليسيز په خپله ټويټر پاڼه ليکلي دي چې
( زما لپاره ډيره د خواشينۍ وړ ده چې د ۲۰۲۱ ز کال د هندوستان غوره ليګ يا اې پې ايل ۱۴ م پړاو او همدارنګه خپله کورنۍ لوبډله چینای سوپر کينګز پريږدم او خپل کور ته ځم.
زموږ لوبډله يا د چينای سوپر کينګز لوبډله د ۲۰۲۱ ز کال د ۱۴ م پړاو سياليو لپاره د هندوستان غوره ليګ يا اې پې ايل يوه بريدګره او غوره لوبډله وه/ده.
خو زه ډير خواشينی يم چې د کرونا وبا د خونړې ناورين له کبله چې د هندوستان غوره ليګ يا اې پې ايل ځنډول کيږي او لکه کور په شان لوبډلي څخه مې جدا کيږم.
زه د هندوستان محترمو خلکو ته ځانګړې سپارښتنه او ورڅخه هيله کوم چې په دې سختو حالاتو کې د خپلو ځانونو او خپلو کورنيو څخه پاملرنه وکړي او د هند ولس باید د خپل ځان او خپلي کورنۍ ځانکړې پاملرنه وکړي.
موږ هيله لرو چې د هندوستان ولس د کرونا ويروس ته ماتې ورکړي، په هندوستان کې د کرونا وبا ناورين پای ومومي او موږ يوځل بيا هند ته ولاړ شو او د هندوستان سوداګريز ليګ يا اې پې ايل د ۲۰۲۱ ز کال د ۱۴ م پړاو سياليو پاتې لوبو ته ادامه ورکړو ).
“فاف ډوپليسيز د سويلي افريقا لوبغاړی”
