سویلي افریقا د ویسټ انډیز پر وړاندي لوبلړي پیلوي
کریکبال وېبپاڼه / د سویلي افریقا کرکټ ملي لوبډلې او ویسټ انډیز کرکټ ملي لوبډلو ترمنځ د دوه ټیسټ او پنځو شل اوریزه سیالیو لړۍ پیلیږي.
همدارنګه ټاکل شوې ده چې د سویلي افریقا کرکټ ملي لوبډله به د روان ٢٠٢١ کال کې ویسټ انډیز ته سفر وکړي چې په یاد سفر کې به د سویلي افریقا کرکټ ملي لوبډلې او ویسټ انډیز کرکټ ملي لوبډلو ترمنځ ترمنځ دوه ټیسټ او پنځه شل اوریزه سیالۍ ترسره شي.
ویست انډیز له ځنډ وروسته د ملي لوبډلې شل اوریزه نوملړ کې اکثره پخواني او تجروبه کاره لوبغاړي اضافه کړي دي چې موخه یې راتلونکي شل اوریزه نړیوال جام ته ښه تیاری دی.
د دواړو لوبډلو ترمنځ به د لړۍ پیل په ټیسټ لوبې کیږي چې ټاکل شوې ده د جون په ۱۰ مه نېټه پیل او د همدغې میاشتې تر ۱۴ مې نېټې دوام وکړي، دوهم ټیسټ سیالۍ به د جون په ۱۸ مه پیلیږي او تر ۲۲ مې نېټې به دوام کوي.
د دوه ټیسټ سیالیو وروسته د دواړو لوبډلو ترمنځ د پنځو شل اوریزه سیالیو لړۍ پیلیږي چې لومړۍ هغه یې د جون په ۲۶ مه نېټه ترسره کیږي.
همدا شان به د جون په ۲۷ مه، د جون په ۲۹ مه، د جولاۍ په لومړۍ او د جولاۍ په ۳ مه نېټه به په ترتیب سره دوهمه، دریمه، څلورمه او وروستۍ پنځمه شل اوریزه سیالي ترسره شي.
