پاکستان سوپر لیګ
کریکبال وېبپاڼه / د پاکستان سوپر لیګ يا PSL لیګ سیالي څو ورځې نورې وځنډول شوې، خو دقیقه نېټه یې هم اعلان شوه.
د پاکستان سوپر لیګ يا PSL د شپږم پړاو پاتې سیالیو د ترسره کېدو نېټه یو ځل بیا وځنډول شوه او اوس به د جون د میاشتي په نهمه په ابوظهبي کې پیل شي.
د پاکستاني رسنیو د راپورونو په وېنا، د PSL پاتې سیالۍ به د جون په ۹مه نېټه پیل شي او پایلوبه به د جون په ۲۴مه نېټه ترسره شي. همدا راز ویل کېږي چې هندي تخنیکي کسانو ته هم پي ایس ایل کې د ګډون اجازه ورکړل شوې ده.
په راپور کې ویل شوي دي، چې د پاکستان کرکټ بورډ د PSL سیالیو نېټه دقیقه کړې ده، چې ۶ ورځې به دوه دوه لوبې هم ترسره شي.
دا سیالۍ به د پاکستان په وخت ۹ بجې او د افغانستان په وخت ۸:۳۰ بجې پیلېږي، همدا راز په کومه ورځ چې دوه لوبې وي، نو په هغه ورځ به لومړۍ لوبه د افغانستان په وخت ماښام ۵:۳۰ او دویمه بیا د شپې ۱۰:۳۰ بجې پیلېږي.
د یادولو وړ ده چې مخکې د پاکستان کرکټ بورډ اعلان کړی و، چې د پاکستان PSL پاتې سیالۍ به د جون په ۵مه نېټه پیلوي، خو د لوبغاړو او ځینو تخنيکي کسانو په وخت ابوظهبي ته نه رسېدو له امله دا سیالۍ اوس د جون په ۹مه نېټه پیلېږي.
